Erakunde Berritzaileak: Berrikuntza Estrategiaren Ezarpenerako Proposamenak.ESDORen kasua

[EU]Lan honen helburua gaur egun enpresen munduan berrikuntzak duen garrantzia analizatzea da, gai honek daukan ohiartzuna ezagutzea da. Konkretuki kosmetika sektorean zentratzen da lana, berrikuntzak Espainian dauka gailentasuna aztertzeaz gain, kosmetika sektoreak gai honen inguruan inbertsioak egiten dituen edo ez ikertu nahi da. Horretarako kosmetika sektoreko enpresa bat erabiltzen da adibide gisa, ESDOR COSMETICOS hain zuzen ere. Espainia mailan ezaguna den Grupo Matarromera ardogintza sektoreko enpresaren barnean dagoen produktu linea bat da, baina independenteki jokatzen du eta bere autonomia propioa dauka. Lan honekin, berrikuntzaren garrantzia aztertu nahi da, batez ere honen presentzia kosmetika sektorean. Honetaz gain, Espainiako berrikuntzan zentratzen da lana gehien bat eta lanak hurrengo galderetako batzuei erantzuna aukitzea dauka helburu gisa: Ze berrikuntza mota erabiltzen da gehien bat Espainiako kosmetika sektoreko enpresetan?, Berrikuntza garrantzizkoa da, baina zein puntutaraino? Lehiakortasun maila dela eta nola berritzen dute? Berrikuntza zientifikoa edo marketing arloko berrikuntza da gehien erabilzen dutena? Kontsumitzaileen aldetik nolako erantzuna dago berrikuntza eta produktu kosmetikoekiko?...

Erretiroaren pentsioa eta adinez langile nagusien lan-bizitzaren luzamena

[Pentsio-sistema honela antolatzen da: lehen maila, kotizaziopeko pentsioak jasotzen ez dituztenei pentsioak ordaintzera bideratzen da; bigarren maila, Gizarte Segurantza edo kotizaziopeko pentsioena da; hirugarren maila, borondatezko gizarte-aurreikuspen osagarriari dagokio Euskal Autonomia Erkidegoan eta pentsio-planei Espainian. Bigarren mailan, Gizarte Segurantza banaketa-sisteman oinarritzen da. 2050ean erretiro-pentsioak finantzatzeko arazoak egotea espero da. Etorkizuneko egoerari aurre egiteko, 27/2011 Legearen eta 5/2013 Errege Lege Dekretuaren bitartez, erreformak burutu dira. Hirugarren mailan, Euskal Autonomia Erkidegoan gizarte-aurreikuspen osagarria Eusko Jaurlaritzaren esku dago eta Borondatezko Aurreikuspen Sozialeko Erakundeen (BASE) aurreikuspen-planak bertako pentsio-plan propioak dira. Lan honetan, batez ere, pentsio-sistemaren bigarren eta hirugarren mailak aztertuko ditut. Lehenengo marko teorikoa, ondoren alde praktikoa, eta azkenean datuetan oinarrituz proposamen batzuk eman eta ondorioak aterako ditut.]

Europako krisia: austeritatea eta alternatibak

Europa 2008tik jasaten ari den krisi ekonomikoaren ondorioz, zor publikoaren krisi larria sortu da zenbait estatutan. Kinka larri honetatik irteteko, Europar Batasunak troikaren adostasunarekin hartu duen irtenbidea, austeritatearena izan da, baina ez dirudi konponbide hau egokia denik, oztopo handia delako estatu askoren hazkunde ekonomikorako. Lan honetan zehar, austeritate politikaren alternatibak aztertuko ditugu, zenbait ekonomialari ospetsuren irtenbideetan oinarrituta.

Giza garapena eta giza pobrezia: teoriatik azterketa enpirikoetara

Denboraren poderioz garapen inguruko zenbait ikuspuntu aldatu egin dira. Lan honetan, kontzeptu honen eta honekin erlazio zuzena duten bilakaera ikertu egin da. Lehenengo atalean, alde batetik, garapen kontzeptuaren inguruan emandako aldaketak azaltzen dira, hau da, 1940. hamarkadan garapen teoria ekonomika modernoaren arabera, garapenaren azken helburua hazkundea zen, gainera produkzio gehiago eta pobrezia gutxiago kontzeptuen artean lotura estua zegoela uste zen. Urteak pasa ahala, honen inguruan ideiak aldatzen hasi ziren, MahbubulHaq-ek egindako lanari esker, 1989.urtean Giza Garapen kontzeptua indarra hartu zuen (gaur egun indarrean jarraitzen duena), honekin azalarazi nahi zen zer nolako garrantzia zeukan gizakiaren papera eta honen beharrak (osasuna, bizi kalitate duina…) garapena lortzeko eta pobrezian ez bizitzeko eta nola garapen hau kuantifikatzeko adierazle batzuk (Giza Garapen Indizea (GGI) eta Pobrezi Multidimentsional Indizea (PMI)) sortu ziren. Lanaren bigarren atalean, lurralde konkretu baten (Erdialdeko Amerikako Guatemala) sakondu egin da: lehenik eta behin, lurraldearen testuingurua azaldu da historian zehar emandako egoera garrantzitsuekin, bestetik bertako Giza Garapen eta Giza Pobreziaren egoera ikertzeko (GGI) eta (PMI)-ra jo da, arlo hauetan emandako bilakaera ikusteko. Guatemalako egoera kaskarra dela ondorioztatu daiteke, eta egoera hori hobetzeko Milurteko Garapen Helburuak (MGH) eta bestelako ekintza planteatu dira gaur egunerako eta etorkizunera begira.

Harreman-estilo berri bat enpresa familiarrekin

[EU]Lan honen helburua, ikuspuntu teoriko eta praktiko batetik ner group erakundea eta enpresa familiarra aztertzea da, erakunde honen enpresa familiarretan eta enpresa familiarrak ner groupen daukan eragina zein den ezagutzeko. Honetarako, harreman estilo berria aztertu ondoren, ner groupeko arduradunari elkarrizketa bat egin eta erakundeko bi enpresa familiar aukeratu ondoren, hauei ere elkarrizketak egin dizkiet biak hurbilagotik ezagutzeko, alderatzeko eta aztertzeko. Honela, enpresa familiarretan harreman estilo berria aplikagarria dela frogatu da baina enpresa familiar bakoitzak dituen baldintzak funtsezkoak izango dira estiloaren ezartzean. Era berean, enpresa familiarrentzat ner group erakundean barneratzea abantaila suposatzen diela aztertu da.

Kuznetsen kurba Euskal Autonomia Erkidegoko etxe-hondakinentzat

[EU ] [Lan honetan 2005 eta 2008 urteetarako Euskal Autonomia Erkidegoko 251 udalerrietan Kuznetsen hipotesia betetzen den ala ez aztertu da, Barne Produktu Gordinaren eta etxe-hondakinen arteko erlazioan zentratuz. Udalmap datu basea eta gretl programa ekonometrikoa erabili dira.]

Laneratze enpresak Euskal Herrian : balio sozialaren kuantifikazioa

Gizartea eta hura inguratzen duenari enpresek garrantzia ematen hasi diren aldi baten bizi gara. Izan ere ez dugu pentsatzen dugun informazio beste eta ezin diogu berrikuntzak egunerokoak dituen egoera honi era onenean edota dauden baliabide onenekin aurre egin. Esate baterako ba al dakigu zein enpresa mota den mesedegarria administrazioarentzat eta ondorioz gizartearentzat? Eta zer diren Laneratze Enpresak? Zer den balio soziala? Kuantifikatu daitekeen? Eta erantzuna bai bada, nola? Sozietatearen erdiak baino gehiagok ez daki hauei zer erantzun, oraindik zalantza sortzen duten terminoak eta galderak direlako. Hori da lan honen erronka eta lan honen helburua, hauek argitzea, azaltzea, kontzeptuak benetan bereganatzea, praktikan jartzea eta horiengatik ondorio batzuk ateratzea. Hau da, Laneratze Enpresa eta balio sozialari buruzko teoria ikustea eta errealitatera eramatea aukeratutako Laneratze Enpresa bati aplikatuko zaion balio soziala kuantifikatzeko metodologia baten bitartez, horrela lortutako emaitzetatik zenbait ideia ondorioztatuko direlarik. Azken hori, lanaren ekarpenik nabarmenena eta lan eta ilusio gehien suposatu duena izan da: Laiene Jatetxea S.L. Laneratze Enpresari berak sortzen duen balio soziala kalkulatzea, SPOLY metodologiaren bitartez eta erakundearen zuzendariaren ezinbesteko laguntzaren bitartez. Zergatik izan da baliagarria analisi hau? Enpresa berarentzat eta bertako partaideentzat etorkizunean non edo nola hobetu behar duten ikusteko tresna izan delako, enpresak benetan sortzen duena kuantifikatzea ahalbidetu duelako; eta administrazioarentzat eta gizartearentzat, tipologia honetako enpresek eta balio sozialari garrantzia emateak eta ondorioz kalkulatzeak zer nolako onurak dakartzan ezagutarazteko ikerketa ona izan delako.

Marketin Esperientziala: Kasu praktikoa. Pop-up Storeak.

Aditu askoren arabera, milurteko berriaren atarian marketin filosofia berri bat hasi zen loratzen: Marketin Esperientziala. Filosofia berri horrek paradigma aldaketa bat suposatzen du, fokua bezeroek enpresekin bizi dituzten esperientzia gogoangarrietan jartzen duena. Gaur egun, produktu eta zerbitzuak geroz eta antzekoagoak dira, kalitate eta prezioan oinarritutako lehia ez da nahikoa eta bezeroa geroz eta zorrotzagoa da. Horrek guztiak desberdintzeko bide berriak bilatu beharra dakar eta, horregatik, produktu eta zerbitzuez gain esperientziak sortu eta eskaintzea aukera paregabea bilakatu da enpresentzat, hau da, faktore emozionala kontuan hartzea. Gradu Amaierako Lan honek filosofia berri horren nondik norakoak aztertzea bilatzen du eta baita erosketa puntuan nola aplikatzen den ikertzea ere; izan ere, erosketa puntuek bezeroa, produktu/zerbitzua eta langileak atmosfera bakar batean biltzen dituzte. Horretarako, erosketa puntuan parte-hartzen duten esperientzia-eragile nagusiak aztertuko dira: zentzumenak, estetika eta diseinua eta langileen portaera. Ondoren, adibide gisa kasu praktiko eta esanguratsu bat aztertuko da: Pop Up Storeak edo, beste era batera esanda, aldi baterako establezimenduak.

Marketing Ecológico: análisis teórico, estudio empírico a consumidores y análisis del diferencial de precios

ESPAÑOL:Este Trabajo de Fin de Grado se centra en el estudio, tanto teórico como empírico, de cuestiones relacionadas esencialmente con el conocimiento, consumo y marketing de productos ecológicos. Comienza con el marco teórico basado en la revisión bibliográfica de los trabajos publicados sobre la materia que se adjuntan en la bibliografía relacionada al final. Posteriormente, se presentan los resultados de una encuesta que realizamos a 63 personas que realizan habitualmente la compra de su hogar y que tuvo como objeto descubrir el grado de conocimiento que tienen sobre los productos eco, el consumo particular que hacen de los mismos y las razones que les impulsan a su consumo o que frenan el mismo, diferenciando el caso de los productos ecológicos de alimentación de los demás productos ecológicos. Se completa el trabajo con la presentación de un análisis empírico del diferencial de precios de los productos ecológicos frente a los de los productos convencionales de similares características. Para ello nos centramos exclusivamente en los productos (ecológicos y no ecológicos) vendidos en la plataforma de venta on line por una gran empresa española de distribución de base alimentaria, concretamente, Eroski.

Phillips-en kurba eta langabezi tasa naturala

[EU] Phillips-kurba-k langabezi eta inflazioaren arteko erlazio negatiboa erakusten du. Erlazio hau 1958. urtean aurkeztu zen lehen aldiz eta geroztik hainbat aldaketa, kritika eta eztabaida jasan ditu. Hala ere, honek ez du saihestu hainbat herrialdek politika ekonomiko desberdinak aurrera eraman izana erlazio honetan oinarrituta. Lan honetan Phillips-ek aipaturiko erlazioak jasandako aldaketa desberdinak azalduko ditugu, haren oinarriak eta eraldaketak aztertuz. Espainia eta Euskadiko Phillips kurben egoerak aztertuko ditugu eta Phillips-ek proposaturiko erlazioa betetzen den ala ez konprobatuko dugu.

Una visión crítica de los Derechos de Propiedad Intelectual

[ES]En los últimos años la ciencia ha avanzado a pasos agigantados y el obsoleto sistema de protección de los derechos sobre bienes intangibles no es capaz de afrontar los retos de las nuevas tecnologías. Las patentes, los derechos de autor etc. no son más que un mecanismo de control al servicio de las grandes multinacionales y gobiernos occidentales, que permiten que este tipo de monopolios sobre bienes intangibles pongan límites a los avances tecnológicos y el desarrollo, sobre todo en las naciones menos favorecidas.

Ezagutzaren dinamika Ikas Komunitateetan

[EUS] Laurogeita hamarreko hamarkadan, Eusko Jaurlaritzako Berriztapen Pedagogikoaren Zuzendaritzak eta Bartzelonako Unibertsitateko CREA (Gizarte eta Heziketarako Ikerkuntza Zentroa) ikerkuntza-taldeak Ikas Komunitateen proiektua jarri zuten martxan, elkarlanean, Euskal Autonomia Erkidegoko lau zentrotan. Zentro horiek hezkuntza-proiektu berri bat abiatzeko bidea ematen dute; izan ere, porrot akademiko handia izatearren hautatu dira, ikasle-taldeen aniztasunaren egoerari heltzeko arazo ugari dituztelako edota dauden lekuetan gizarte-bazterkeriarekin loturiko arazo anitz daudelako. Aldi berean, proiektuak eraldaketa proposatzen du, bai eskolarena, baita inguruarena ere, eta, horretarako, eskolako partaide guztiak hartzen ditu kontuan. Emaitza onak ikusi ostean, eta, hezkuntza-berriztapenaren alorrean lehentasuna izanik, ekimena zabaltzen hasi zen hastapeneko zentroez bestelako ezaugarri sozioedukatiboak dituzten eskoletara ere. Esperientzia berritzaile horiek aurrera eramateko gogo handiz agertu ziren, baita ere, «praktika on»en paradigma ez zirenak, eta, emaitzei begiratzen badiegu, dirudienez, etekin onak lortzen ari dira zentroetan. Ikas Komunitateen proiektuak berekin daraman gaitasun eraldatzaileak egokitzeko berezko ahala erakusten du. Egokitzapen horretan, eskolaren —inguruarekin batera— eta proiektuaren arteko sinbiosia lortzen da, hezkuntzako arrakasta- ekintzak sustatuz.

Bidaia partekatzeko ekimen ezberdinen analisia

Lanaren lehenengo atalean ekonomia kolaboratiboa eta kontsumo kolaboratiboa aztertzen saiatuko naiz. Horretarako,alde batetik ekonomia modelo honen lau zutabeak zeintzuk diren azalduko dut, segidan adibide batzuk jarriz. Horrez gain, 4 motor bultzatzaileak zeintzuk diren azaltzen ahaleginduko naiz. Bigarren atalean Carsharing eta Carpooling kontzeptuak zertan ezberdintzen diren azaltzen saiatuko naiz. Horrez gain, autoa partekatzeko estatu mailan dauden hiru ekimenik erabilienak banan banan aztertzen ahaleginduko naiz. Denak berdinak al dira? Zertan ezberdintzen dira? Atal praktikoan batetik galdetegi bat osatu eta honen emaitzak aztertu nahi ditut, gizarteak ekimen hauen inguruan zenbat dakien jakiteko helburuarekin. Bestetik Goizuetan, nire herrian, autoa partekatzeko ekimen batek funtzionatuko lukeen ala ez aztertu nahiko nuke.

Ezkutuko ekonomia eta paraisu fiskalak

EZKUTUKO eKONOMIA ETA PARADISU FISKALAK Zer da Ezkutuko Ekonomia? Zer dira Paradisu Fiskalak? Eta zein da hauen artean dagoen erlazioa? Lan honen laburpena hiru galdera horien erantzunean aurkitzen da. Ezkutuko Ekonomia herrialde jakin bateko Kontabilitate Nazionalak arakatu gabeko jarduera oro izango da, eta Paradisu Fiskalak, herrialde jakin bateko zerga-sistema baino tributazio onuragarriagoak izango dituzten herrialdeak dira. Hala, Ezkutuko Ekonomiaren existentzia arrazoitzeko hainbat kausa egon daitezke, eta noski, kausa horiek ondorio batzuetara eramango gaituzte, guztiak edo ia guztiak ondorio negatiboak izango direlarik. Modu honetan, Ezkutuko Ekonomiaren baitan hainbat jarduera nabarmentzen dira eta jarduera horiek egoera ekonomiko txarretan, gaur egungo krisia kasu, indartu egiten dira. Honekin loturik, Ezkutuko Ekonomiaren esanahia zehatz mehatz ulertu ahal izateko, urteen poderioz fenomeno ekonomiko honek izan duen eboluzioa aztertzea ere azpi-gai garrantzitsua da, denboraren poderioz gertatzen denak esango baitigu fenomeno honek zenbaterainoko garrantzia duen gure gizartean. Azkenik, Ezkutuko Ekonomiarekin amaitzearren, Etika moralak guzti honengan duen iritzia jakitea ere komeni da, eta noski, Ezkutuko Ekonomiaren aurka borrokatzen dutenek zein motatako neurri aplikatzen dituzten ere jakin beharko dugu. Lan honen bigarren gai nagusiari eutsiz, Paradisu Fiskalak zehazki zer diren, zein ezaugarri betetzen dituzten eta herrialde bitxi hauetara jotzen duten erabiltzaileak zer nolakoak izaten diren arakatu beharko dugu. Bestalde, Paradisu Fiskal deritzen herrialdeak aukeratzerako orduan egin daitekeen aukeraketa ere aztergai izango dugu, ezaugarrien araberako Paradisu Fiskal ezberdinak sailkatzen direlarik. Modu honetan, herrialde guztiek ez dituzte banku mota berdinak izaten, banku guztiek ez dituzte zerbitzu berak eskaintzen eta ez da gauza bera izango sozietate mota bat edo beste eratzea. Hala, lehengo atalean egin moduan, Paradisu Fiskalen aurkako neurriei buruz ere jardungo gara eta baita Espainia inguruan, Europa eta mundu mailan abantaila fiskal onuragarriak dituzten herrialdeez ere. Bukatzeko, bi atal nagusiak arakatu ondoren, bi gai hauen arteko erlazioa sakonduko dugu, guzti honen inguruko ondorioak ateraz.

Mausitxa gaztandegia

Gradu amaierako lan hau, Mausitxa gaztandegiari egindako aholkularitza lan bat da. Euskeraz egina dago.