Análisis de la influencia de los sistemas de puesta a tierra en la eficiencia de instalaciones eléctricas de baja tensión residenciales e industriales.

[EN]Nowadays, global society is more aware of electrical energy’s risks than never before, and electrical safety has turned a priority when a new installation is designed. So, a great protection to an unwanted electric hazard is required, being specially careful with indirect contacts. If a circuit has an insulation failure and an indirect contact is produced, there is risk of an accidental electrocution, risk that must be avoided by making a good choice of the grounding methodology and properly coordinating the electrical protections in the installation. In order to minimize that risk, a study of low voltage industrial and residential installation’s grounding methodologies is introduced, analyzing the tree grounding methodologies internationally accepted (TT, TN, IT). In addition, two real examples are solved (using a computer-aided engineering software), confirming the results of the theoretical study.

Down sindromea duten umeen inklusibitatea eta dantza klasikoaren onurak haiengan

Gai honekiko interesa, aurreko urtean “Jarduera fisiko inklusiboa” irakasgaia hasi genuenean piztu zitzaidan eta lan hau egitea erabakitzearen arrazoia, dantza campus batean monitore moduan bizitako esperientzia izan zen. Bertan, gaixotasun ezberdinak zituzten umeak elkartu ziren gure klubeko umeekin batera lan egiteko eta dantza egiten gozatzen zutena ikusita gozatzen nuen nik ere. Baina bereziki, Down Sindromea (DS) duten umeekin lan egiteko gogoa sortu zitzaidan. Horren geroztik, gaixotasun hau duten pertsonekin lan egiten duten dantza taldeak badaudela aurkitu nuen, baina nire asmoa ez da soilik DS duten umeei dantza egiten irakastea, baizik eta ume hauen eta gaixotasunik ez dutenen arteko elkarlana bultzatzea ere, inklusibitatea hain zuzen, baita dantzak haiengan sortzen dituen onurak aztertzea ere, bai fisiko zein psikologikoki.

Genero ezberdintasunaren ebaluazioa Asti Leku ikastolako DBH eta Batxilergoko Gorputz Hezkuntzan

Egungo gizartean, nahiz eta azken urteetan aurrerapauso handiak egin diren berdintasunerantz, jarduera fisiko eta kirolaren munduan ezberdintasunak daude oraindik ere generoen artean, nesken kalterako. Nelson Mandelak zioenez, hezkuntza mundua aldatzeko erabili daitekeen armarik indartsuena da. Beraz, zerbait aldatu nahian, kasu honetan, gizartean ematen diren genero ezberdintasun hauek ekiditeko, hezkuntzaz baliatzea aukera paregabea da, arrazoi honengatik, hezkuntzan, heziketa fisikoan bereziki, berdintasuna bilatuko da. Eskola, gizartearen ispilua da, eta ondorioz, bertan ere genero arteko ezberdintasun horiek Heziketa Fisikoarekiko nabarmenak dira. Hezkidetza arazo hau Portugaleteko Asti Leku ikastolan agerikoa da: zentro honetako Heziketa Fisikoko klaseetan genero arteko ezberdintasuna nabaria da arlo honekiko ikasleen jarreran, orokorrean nesken jarrera negatiboagoak eraginda. Zer egin daiteke Asti Leku ikastolan ezberdintasun horiek saihesteko? Galdera honi erantzuna bilatu nahian, genero ezberdintasunean garrantzitsuak izan daitezkeen faktore batzuk aztertuko dira, hala nola, ebaluazioa, eskola, ezberdintasun fisikoak, espazioa, irakasleak, ezkutuko curriculuma eta kirol eskaintza. Ondoren, horiek Asti Leku ikastolan zer nolako eragina duten aztertuko da, horrela zentroko DBH eta Batxilergoan Heziketa Fisikoan ematen den hezkidetza arazoari aurre egiteko zein aldaketa egin daitezkeen ondorioztatzeko, hala nola, kirol-eskaintzan, espazioan eta programazioan.

Gizentasuna pairatzen duten adineko pertsonentzako 12 asteko ariketa fisikoko programa espezifiko baten proposamena

Gizentasuna pairatzen duten adineko pertsonei bideratutako jarduera fisikoko programa proposamen bat da. Bertan gaiari buruzko azalpen teoriko basikoak agertzen dira eta ostean programa bera bere zehaztasunekin.

Igeriketa DBHko gela egonkorreko proiektu kurrikularrean

Azken hiru hamarkadetan, Euskal Autonomia-Erkidegoan aldaketa garrantzitsua eman da HPB (heziketa premia bereziak) duten ikasleei ematen zaien heziketa-erantzunean, laguntzaren behar orokor eta iraunkorrak aurkezten dituenari dagokionez bereziki. Gaur egun, ikasle hauek, LH eta DBH zentro arruntetan kokatutako gela egonkorretara joan daitezke. Gela hauetako curriculuma zabala eta malgua da eta ez dago era arauemailean Hezkuntza Sailagatik araututa. Gela horietan matrikulatutako ezgaitasuna duten ikasleek, eskola-ordutegi barruan, gorputz-hezkuntzako jarduerak egiteko eskubidea dute, bere etapako beste kideek bezala. Ikasle hauekin bultzatzen diren jarduera fisikoek bere bizi-kalitatea eta komunitatean bere inklusioa hobetzera orientatuta egon behar dute. Beraz, egokia izango litzateke zentro honen H.F. ikasleak jarduera horiek talde horrekin egiteko denbora espezifikoa bere ordutegian kontuan izan zezan . Ikasle horiek zentroaren bizitzan parte hartzeaz gain, institutuko irakasleek parte hartu behar dute mutil horien jardueretan. Inklusioak bere gain hartu behar ditu heziketa komunitatearen kide guztiak. GrAL honetan proposatzen eta justifikatzen da GH irakasleak irakasten duen kirola igeriketa izan dadila, ikasle hauen ezaugarriak kontutan hartuta eta fisiko, psikiko eta sozial mailan eragiten dituen onurengatik. Erabilitako metodoa analisi orokorrekotik kasu zehatz baten praktikara joatea izan da. Eusko Autonomia Erkidegoko HPBk duten ikasleei ematen zaien erantzun orokorra aztertzen hasi da gela egonkorretara heldu arte, bereziki Sopela BHI-ko G.H. kurrikuluma zehaztuz.

Pilotariaren profil teknikoa hobetzeko proposamena

Lan honen bitartez, pilotarien profil teknikoa hobetzeko proposamena egin dut, non denboraldia fase ezberdinetan banandurik, bakoitzean landu beharreko edukiak eta lortu beharreko helburuak ageri diren.

UD Aretxabaletako jubenil mailako jokalarien baldintzazko gaitasunen eta zelaian duten posizioaren arteko erlazioaren balorazioa

Lan honen helburu nagusia, futbolari jubenilen (17-19 urte) gaitasun fisiko kondizionalak aztertzea eta baloratzea da, gainera postu espezifikoen arteko ezberdintasunak detektatuz (atezainak, defentsak, erdilariak eta aurrelariak). Horretarako, 26 jokalari ( adina 17,50 ± 0,95 urte, pisua 70,58 ± 7,48 Kg , altuera 1,77 ± 0,07 metro, 22,55 ± 1,70 IMC-arekin eta 7,85 ± 0,97 esperientziarekin futbolean). Gaitasun hauek neurtzeko erabili izan ziren testak, pisu eta altuera neurketa(Seca 704s, Alemania), Yo-Yo test (egindako distantzia eta V02max), abiadura testa (S20m eta S30m), agilitate testa (Zig-Zagrun test), salto horizontala (HCMJAS) eta enborraren malgutasunaren testa (Test Sit and Reach).Gauzatutako testen emaitzen arabera, ez ditugu alde signifikatiborik aurkitu postu espezifikoen artean, baina beste aldetik, aldagaien arteko erlazioa aztertzerakoan, abiadura eta zig-zag testen artean korrelazio esanguratsua dagoela aurkitu da. Hau da, agilitate eta abiadura testen artean korrelazioa dago, baina korrelazioa handiagoa lortu da S20m-rekin S30m-ekin baino.

Zaztaparrak Asti Taldearen 2016-2020 denboraldiko planifikazio estrategikoa

Azken urteetan, Zaztaparrak asti taldea Arratia eta Zeberio lurraldeetako aisialdian liderra bilakatu da, izan ere, arlo honi dagozkion lan-esparru gehienetan (udalekuak, ludotekak, gazte espazio ezberdinak…) indar gehien duen elkartea da. Egoera honek, helburu berriak amestea ahalbidetu dio elkarteari eta, horrela, asmo handiko proiektuak aurrera eramateko aukera sortu da. Horretarako, txosten honen bitartez, Zaztaparrak asti taldearen plan estrategikoa aurkezten da, hurrengo urteetan izan beharreko jokabidea eta programazioa aurkezten duena alegia. Plan honen bitartez, jarduera fisikoaren promozioa helburu izanik, elkarteak, aisialdi aktiboago bat bultzatzen du. Helburu honek, turismo aktiboaren esparruko enpresekin komunikazio kanalak osatzea bilatzen du eta horrela, eskaintza aktibo horren parte bilakatzera eramango du. Horretaz guztiaz gainera, bere ekintza eremua Euskal Herri osora zabaltzea bilatzen du, izan ere, elkartea sortzerakoan Arratiako bailaran zeuden beharrak gure herrialdeko beste hainbat txokotan ere aurkitzen dira eta, horrela, Zaztaparrak asti taldeak aisialdi elkarte ezberdinen elkarlana koordinatzea du helburu. Hala, jarraian, elkarteak eman nahi duen salto kualitatibo hau bideratuko duen plan estrategikoa aurkezten da.

2014-2015 Ikasturteko Bergarako Ipintza Ikastetxeko gorputz hezkuntzako azterketa pedagogikoa

Lan honetan, Bergarako Ipintza ikastetxearen azterketa pedagogikoa egiten da eta honen helburua, gorputz hezkuntzaren irakasgaiaren proiektu kurrikularra eta ezkutukoa ezberdintzea izango da. Horretarako gorputz hezkuntzaren jardueren barne logika aztertu da, kanpo logikarekin batera. Honez gain, ikastetxearen hezkuntza proiektua, irakasleak izan beharko dituen ezaugarriak eta nerabezaroaren etapa ezberdinak azalduko dira.

Desigualdad en la distribución de la renta en la Comunidad Autónoma del País Vasco. Análisis por comarcas (2001-2011)

[Es] Éste trabajo estudia la desigualdad en la distribución de la renta en la Comunidad Autónoma del País Vasco entre los años 2001 y 2011. Este periodo está dividido en dos sub-periodos, uno de bonanza económica entre 2001 y 2009 y otro de crisis económica y financiera entre 2009 y 2011. Se considera la renta disponible como variable y se toman los datos de UDALMAP y la encuesta de pobreza y desigualdades sociales (2012). Respaldado por un estudio teórico y referenciado de las herramientas para la medición de la desigualdad utilizadas en el trabajo, se analizan los estadísticos de los datos y se mide la distribución de la renta mediante el análisis de los principales y más reconocidos métodos para el estudio de la desigualdad como son la curva de Lorenz, el índice de Gini, la distribución inter-cuartil y el índice de Theil. Los resultados obtenidos indican que la desigualdad en la distribución de la renta en la CAPV (2001-2011) se ha reducido, si bien al analizar los sub-periodos no encontramos factores económicos o territoriales que expliquen con claridad las razones de la variación de la renta.

Graduko konpetentziak era autonomo batean lantzeko marketineko blog baten eraketa

[EU]Lana hasi baino lehen argi neukan interneti buruzkoa egin nahi nuela, gainera blog desberdinetan idatzi izan dut 2008. urtetik eta ikasle autodidakta naiz betidanik, horrela nire esperientzia hori marketinera bideratzea nahi nuen hasiera batetik. Beraz, gaur egun internet duen garrantzia goraipatu dut lan osoan zehar, bai ikuspegi akademiko batetatik zein profesional batetatik. Hasiera batean, gaur egun erabiltzen diren ikasteko modu desberdinei buruz hitz egiten hasi nahiz, batez ere Bolonia Planaren ostean garatutakoak hala nola, ikasketa parte hartzailea, learning by doing, etab. Gero autodidakta izateari buruz idazten hasi nintzen, zer den, bere abantailak, desabantailak eta unibertsitateak autodidakta izateko dituen mugei buruz. Ondoren, marketinari buruz ikertzen hasi naiz, batez ere honek 2.0 munduarekin duen garrantzia erakusteko eta munduaren eboluzioarekin batera, marketina ikusteko beste modu bat garatu zelako. Eta marketinean gero eta garrantzi gehiago duten erremintak blogak direnez, hauei buruz idaztea pentsatu nuen, zer diren eta ikuspegi akademiko batetatik izango luketen garrantzia ikusiz. Amaitzeko, lanari ukitu pertsonal bat eman nahi izan nion. Horretarako, Sarrikoko ikasleen erantzuna jakitea oso garrantzitsua zela pentsatu nuen, eta horretarako 3 motatako inkestak garatu nituen, 1etik 10era puntuatzekoa, 1etik 7ra ordenatzekoa eta galdetegi ireki bat ikasleek zer uste zuten graduko konpetentziak era autonomo batean lantzeko marketineko blog baten eraketari buruz.

Kooperatibak Euskal Herrian XX. mendean

Kooperatibak Euskal Herrian XX. mendean, estatuko eta Europako testuingurua kontutan hartuz kooperatibek izan duten bilakaerari buruz hitz egiten du.Ikuspuntu orokor batetik, herrialdean kooperatiben jarduera aztertzen da eta kooperatibek Euskal Herriaren izandako influentzian gehiago sakontzen du. Gure herriko kooperatibismoaren historia eta bere ereduaren egokitasuna ikertzea litzateke lan honen helburu nagusiak.

Ezagutzaren dinamika Ikas Komunitateetan

[EUS] Laurogeita hamarreko hamarkadan, Eusko Jaurlaritzako Berriztapen Pedagogikoaren Zuzendaritzak eta Bartzelonako Unibertsitateko CREA (Gizarte eta Heziketarako Ikerkuntza Zentroa) ikerkuntza-taldeak Ikas Komunitateen proiektua jarri zuten martxan, elkarlanean, Euskal Autonomia Erkidegoko lau zentrotan. Zentro horiek hezkuntza-proiektu berri bat abiatzeko bidea ematen dute; izan ere, porrot akademiko handia izatearren hautatu dira, ikasle-taldeen aniztasunaren egoerari heltzeko arazo ugari dituztelako edota dauden lekuetan gizarte-bazterkeriarekin loturiko arazo anitz daudelako. Aldi berean, proiektuak eraldaketa proposatzen du, bai eskolarena, baita inguruarena ere, eta, horretarako, eskolako partaide guztiak hartzen ditu kontuan. Emaitza onak ikusi ostean, eta, hezkuntza-berriztapenaren alorrean lehentasuna izanik, ekimena zabaltzen hasi zen hastapeneko zentroez bestelako ezaugarri sozioedukatiboak dituzten eskoletara ere. Esperientzia berritzaile horiek aurrera eramateko gogo handiz agertu ziren, baita ere, «praktika on»en paradigma ez zirenak, eta, emaitzei begiratzen badiegu, dirudienez, etekin onak lortzen ari dira zentroetan. Ikas Komunitateen proiektuak berekin daraman gaitasun eraldatzaileak egokitzeko berezko ahala erakusten du. Egokitzapen horretan, eskolaren —inguruarekin batera— eta proiektuaren arteko sinbiosia lortzen da, hezkuntzako arrakasta- ekintzak sustatuz.

Ezkutuko ekonomia eta paraisu fiskalak

EZKUTUKO eKONOMIA ETA PARADISU FISKALAK Zer da Ezkutuko Ekonomia? Zer dira Paradisu Fiskalak? Eta zein da hauen artean dagoen erlazioa? Lan honen laburpena hiru galdera horien erantzunean aurkitzen da. Ezkutuko Ekonomia herrialde jakin bateko Kontabilitate Nazionalak arakatu gabeko jarduera oro izango da, eta Paradisu Fiskalak, herrialde jakin bateko zerga-sistema baino tributazio onuragarriagoak izango dituzten herrialdeak dira. Hala, Ezkutuko Ekonomiaren existentzia arrazoitzeko hainbat kausa egon daitezke, eta noski, kausa horiek ondorio batzuetara eramango gaituzte, guztiak edo ia guztiak ondorio negatiboak izango direlarik. Modu honetan, Ezkutuko Ekonomiaren baitan hainbat jarduera nabarmentzen dira eta jarduera horiek egoera ekonomiko txarretan, gaur egungo krisia kasu, indartu egiten dira. Honekin loturik, Ezkutuko Ekonomiaren esanahia zehatz mehatz ulertu ahal izateko, urteen poderioz fenomeno ekonomiko honek izan duen eboluzioa aztertzea ere azpi-gai garrantzitsua da, denboraren poderioz gertatzen denak esango baitigu fenomeno honek zenbaterainoko garrantzia duen gure gizartean. Azkenik, Ezkutuko Ekonomiarekin amaitzearren, Etika moralak guzti honengan duen iritzia jakitea ere komeni da, eta noski, Ezkutuko Ekonomiaren aurka borrokatzen dutenek zein motatako neurri aplikatzen dituzten ere jakin beharko dugu. Lan honen bigarren gai nagusiari eutsiz, Paradisu Fiskalak zehazki zer diren, zein ezaugarri betetzen dituzten eta herrialde bitxi hauetara jotzen duten erabiltzaileak zer nolakoak izaten diren arakatu beharko dugu. Bestalde, Paradisu Fiskal deritzen herrialdeak aukeratzerako orduan egin daitekeen aukeraketa ere aztergai izango dugu, ezaugarrien araberako Paradisu Fiskal ezberdinak sailkatzen direlarik. Modu honetan, herrialde guztiek ez dituzte banku mota berdinak izaten, banku guztiek ez dituzte zerbitzu berak eskaintzen eta ez da gauza bera izango sozietate mota bat edo beste eratzea. Hala, lehengo atalean egin moduan, Paradisu Fiskalen aurkako neurriei buruz ere jardungo gara eta baita Espainia inguruan, Europa eta mundu mailan abantaila fiskal onuragarriak dituzten herrialdeez ere. Bukatzeko, bi atal nagusiak arakatu ondoren, bi gai hauen arteko erlazioa sakonduko dugu, guzti honen inguruko ondorioak ateraz.