Kontziliazioa, tresna garrantzitsua genero berdintasunerako bidean

[EUS]Lan honen bitartez emakumeek gaur egun lan merkatuan bizi duten egoera ezagutu nahi da. Batez ere kontziliazioan zentratuta dago, gaur egun genero berdintasunerako eta emakumeen egoera hobetzeko tresna garrantzitsu bat dela ulertzen delako.

Krisi ekonomiaren eragina soldatengan Espainian

Lan honen helburua, krisiaren eragina nolakoa izan den Espainiako soldatengan aztertzea eta ulertzea da. Analisia egiteko krisi aurretiko azken urtea eta behin atzeraldian sartutako urtea alderatuko ditugu. Horretarako, Soldataren Egituraren Inkesta erabili dugu, bai 2006.urtekoa bai 2010.urtekoa. Modu honetan, lan honekin ezagutu nahi dugu nola eragiten duten zenbait aldagai soldatetan bi urte horietan eta hortaz ea aldaketarik eman den krisiaren ondorioz. Eta ondoren, sektore ekonomikoaren araberako eredu ekonometrikoak sortuko ditugu, krisiaren eragina sakonago ikusteko. Horrela, lan honetan lortutako emaitzek adierazten digute, soldatak murriztu beharrean, handitu direla krisiaren ondorioz bai jardunaldi betean bai jardunaldi partzialean, baina kontuan izan behar dugu garai honetan erreformen ondorioz eta atzerapen garaiaren ondorioz, lanpostu suntsipen itzela egon dela ere bai. Gainera, oraindik ere Espainiako gizartean generoaren araberako soldata diskriminazioa izaten jarraitzen dugu, nahiz eta murriztu den aztertutako lau urte hauetan.

Krisi ekonomikoaren eragina Espainiako Ongizate Estatuan

[EU]Ongizate Estatua demokraziarekin sortu zen, eta hiritarrek bizitza duina lortzeko eratu egin zen. Urteetan zehar Ongizate Estatuak krisiak izan ditu, zeinetan honen biziraupena kolokan jarri den. Oraingoan, 2008ko krisi ekonomikoarekin, hauetako krisi bat bizitzen ari da. Hori dela eta, lan honetan Ongizate Estatuak krisiarekin izandako bilakaera aztertuko da; batez ere, Espainiaren ongizatean izandako kalteak eta murrizketak krisi ekonomikoaren etorreragatik. Horretarako, 2007 eta 2015 urteak konparatu eta aztertuko dira, Estatuaren ongizatean begia jarriz. Horretaz gain, FBBVA-IVIE txosnenaren bitartez, Autonomia Erkidegoek duten gastu sozialen eskumenetan kalteak ere izan diren aztertuko da. Laburbilduz, Espainiako Ongizate Estatuan krisi ekonomikoak zer nolako eraginak izan dituen aztertu egingo da, eragin gehienak murrizketak izanik gastu sozialetan, biztanleriaren bizi-kalitatea zuzenki kaltetuz.

Krisiari aurrea hartuz: SAKANA S. COOP. enpresaren estrategia aldaketaren ezarpena eta analisia

[EU] Gradu Amaierako Lan honetan SAKANA kooperatiba da aztertzeko erabili dudan enpresa. 1975. Urtean sortu zen fundizio enpresa industrial bat da. Enpresa hau Lakuntzan dago kokatuta (Nafarroa) eta gaur egun 290 langile ditu. SAKANAK krisi ekonomikoarekin batera etorri zen eskariaren jaitsiera sufritu zuen. Hala ere, gaur egungo egoera ona da, lehiakide batzuen porrota ikusita, krisiari aurre egitea lortu duen enpresa bat izan da. Egungo egoera honen erantzulerik nagusiena 2007. urtean egin zuten aldaketa estrategikoa da. Aldaketa hau integrazio bertikalean oinarritu zen. SAKANAK pieza eolikoak funditzeaz gain, mekanizazioa eta margotzea gehitu zituen bere balio katera. Aldaketa honek kooperatiba honen etorkizunerako norabide bat markatu zuen. Estrategia aldaketa horren kudeaketari dagozkion atal nagusiei egingo zaie aipamena lan honetan, hau da, estrategia horren ezarpena aztertuz eta balorazioa eginez.

Laboral Kutxa: fusioa eta integrazio kulturala

[EU] “Fusioa enpresa-proiektu baten emaitza da, baita aliantza kooperatiboa eta aukera estrategikoa ere. Horri esker, bi entitateek Euskadin eta Nafarroan finantza- operadore gisa duten lehiatzeko kokapena indartu egingo dute. Era berean, bi entitateek eutsi egingo diete izaera kooperatiboari, tokiko sustraiei eta garapen ekonomikoarekiko konpromisari” (Euskadiko Kutxa/Caja Laboral, 2012ko Urteko Kontu Indibidualak). Baieztapen horretatik abiatuz, Gradu Amaierako Lan honen helburu nagusia Laboral Kutxa kreditu kooperatibaren sorrera eragin zuen Euskadiko Kutxa eta Ipar Kutxaren fusioa aztertzea da, Euskadiko Kutxaren ikuspegitik eta enpresa estrategia moduan. Kasu batean oinarritutako metodologia erabiliz egin da ikerketa, etorkizunean fusioa beste hainbat ikuspuntutatik analisatzeko bidea erraztuz. Lanak lau atal nagusi ditu: hasteko, sarrera, non gaiaren justifikazioa, erabilitako metodologiaren aurkezpena eta helburuak planteatzen diren. Bigarren atala ikerketa bibliografikoari dagokio, estrategia eta hazkunde bideen inguruko hurbilketa kontzeptuala egin da. Horren ondoren, kasu praktikoa landu da, fusioaren abantailak, desabantailak, ordaintzeko modua eta kooperatiba bien integrazio kulturalari buruzko ikerketa eginez. Azkenik, laugarren atalak ondorioak eta etorkizuneko ikerketa lerroak biltzen ditu.

Laneratze enpresak Euskal Herrian : balio sozialaren kuantifikazioa

Gizartea eta hura inguratzen duenari enpresek garrantzia ematen hasi diren aldi baten bizi gara. Izan ere ez dugu pentsatzen dugun informazio beste eta ezin diogu berrikuntzak egunerokoak dituen egoera honi era onenean edota dauden baliabide onenekin aurre egin. Esate baterako ba al dakigu zein enpresa mota den mesedegarria administrazioarentzat eta ondorioz gizartearentzat? Eta zer diren Laneratze Enpresak? Zer den balio soziala? Kuantifikatu daitekeen? Eta erantzuna bai bada, nola? Sozietatearen erdiak baino gehiagok ez daki hauei zer erantzun, oraindik zalantza sortzen duten terminoak eta galderak direlako. Hori da lan honen erronka eta lan honen helburua, hauek argitzea, azaltzea, kontzeptuak benetan bereganatzea, praktikan jartzea eta horiengatik ondorio batzuk ateratzea. Hau da, Laneratze Enpresa eta balio sozialari buruzko teoria ikustea eta errealitatera eramatea aukeratutako Laneratze Enpresa bati aplikatuko zaion balio soziala kuantifikatzeko metodologia baten bitartez, horrela lortutako emaitzetatik zenbait ideia ondorioztatuko direlarik. Azken hori, lanaren ekarpenik nabarmenena eta lan eta ilusio gehien suposatu duena izan da: Laiene Jatetxea S.L. Laneratze Enpresari berak sortzen duen balio soziala kalkulatzea, SPOLY metodologiaren bitartez eta erakundearen zuzendariaren ezinbesteko laguntzaren bitartez. Zergatik izan da baliagarria analisi hau? Enpresa berarentzat eta bertako partaideentzat etorkizunean non edo nola hobetu behar duten ikusteko tresna izan delako, enpresak benetan sortzen duena kuantifikatzea ahalbidetu duelako; eta administrazioarentzat eta gizartearentzat, tipologia honetako enpresek eta balio sozialari garrantzia emateak eta ondorioz kalkulatzeak zer nolako onurak dakartzan ezagutarazteko ikerketa ona izan delako.

Marketin Esperientziala: Kasu praktikoa. Pop-up Storeak.

Aditu askoren arabera, milurteko berriaren atarian marketin filosofia berri bat hasi zen loratzen: Marketin Esperientziala. Filosofia berri horrek paradigma aldaketa bat suposatzen du, fokua bezeroek enpresekin bizi dituzten esperientzia gogoangarrietan jartzen duena. Gaur egun, produktu eta zerbitzuak geroz eta antzekoagoak dira, kalitate eta prezioan oinarritutako lehia ez da nahikoa eta bezeroa geroz eta zorrotzagoa da. Horrek guztiak desberdintzeko bide berriak bilatu beharra dakar eta, horregatik, produktu eta zerbitzuez gain esperientziak sortu eta eskaintzea aukera paregabea bilakatu da enpresentzat, hau da, faktore emozionala kontuan hartzea. Gradu Amaierako Lan honek filosofia berri horren nondik norakoak aztertzea bilatzen du eta baita erosketa puntuan nola aplikatzen den ikertzea ere; izan ere, erosketa puntuek bezeroa, produktu/zerbitzua eta langileak atmosfera bakar batean biltzen dituzte. Horretarako, erosketa puntuan parte-hartzen duten esperientzia-eragile nagusiak aztertuko dira: zentzumenak, estetika eta diseinua eta langileen portaera. Ondoren, adibide gisa kasu praktiko eta esanguratsu bat aztertuko da: Pop Up Storeak edo, beste era batera esanda, aldi baterako establezimenduak.

Marketing Ecológico: análisis teórico, estudio empírico a consumidores y análisis del diferencial de precios

ESPAÑOL:Este Trabajo de Fin de Grado se centra en el estudio, tanto teórico como empírico, de cuestiones relacionadas esencialmente con el conocimiento, consumo y marketing de productos ecológicos. Comienza con el marco teórico basado en la revisión bibliográfica de los trabajos publicados sobre la materia que se adjuntan en la bibliografía relacionada al final. Posteriormente, se presentan los resultados de una encuesta que realizamos a 63 personas que realizan habitualmente la compra de su hogar y que tuvo como objeto descubrir el grado de conocimiento que tienen sobre los productos eco, el consumo particular que hacen de los mismos y las razones que les impulsan a su consumo o que frenan el mismo, diferenciando el caso de los productos ecológicos de alimentación de los demás productos ecológicos. Se completa el trabajo con la presentación de un análisis empírico del diferencial de precios de los productos ecológicos frente a los de los productos convencionales de similares características. Para ello nos centramos exclusivamente en los productos (ecológicos y no ecológicos) vendidos en la plataforma de venta on line por una gran empresa española de distribución de base alimentaria, concretamente, Eroski.

Phillips-en kurba eta langabezi tasa naturala

[EU] Phillips-kurba-k langabezi eta inflazioaren arteko erlazio negatiboa erakusten du. Erlazio hau 1958. urtean aurkeztu zen lehen aldiz eta geroztik hainbat aldaketa, kritika eta eztabaida jasan ditu. Hala ere, honek ez du saihestu hainbat herrialdek politika ekonomiko desberdinak aurrera eraman izana erlazio honetan oinarrituta. Lan honetan Phillips-ek aipaturiko erlazioak jasandako aldaketa desberdinak azalduko ditugu, haren oinarriak eta eraldaketak aztertuz. Espainia eta Euskadiko Phillips kurben egoerak aztertuko ditugu eta Phillips-ek proposaturiko erlazioa betetzen den ala ez konprobatuko dugu.

Precariedad laboral en Europa

[ES] Tras una primera visión del concepto de precariedad y acotación del término en el ámbito europeo, este trabajo trata, por un lado, de exponer los factores y el marco social en el que se crea dicha precariedad laboral y, por otro lado, de analizar mediante diversos indicadores de calidad del empleo la incidencia en el caso de la Unión Europea y España. Se exponen la flexibilidad laboral y otros cambios empresariales, reformas legales o transformaciones en el contexto del mercado del trabajo como causantes del aumento de empleos atípicos, los cuales tiendes a ser de peor calidad. En cuanto a los indicadores de calidad utilizados destacan las tasas de actividad, la temporalidad, la estructura de la renta y el salario mínimo, el porcentaje del trabajo a tiempo parcial con respecto al total o las malas condiciones de trabajo, entre otros. Además se hace referencia a la crisis comenzada en 2007 y al efecto agravatorio de esta en la situación, especialmente en el caso de los jóvenes. Por último, se mencionan ciertas propuestas y políticas laborales.

Publicidad y cultura : una relación de carácter internacional

En el trabajo que nos ocupa analizaremos la relación entre diversos ámbitos culturales y la publicidad internacional audiovisual. En la publicidad audiovisual, como la televisiva, las imágenes cargadas de valor simbólico son determinantes para el posicionamiento de una marca y para llegar a la mente del consumidor. A lo largo del estudio relacionaremos el simbolismo de estas imágenes con la mitología y la música para acercarnos a emociones universales que faciliten la relación entre la marca y el consumidor, o bien, entre el spot publicitario y el espectador. En el ámbito internacional, donde se encuentran personas con identidades culturales muy diferentes, y desde una perspectiva comunicacional sería de gran utilidad conocer aspectos comunes en la mente de todo ser humano que favoreciesen la estandarización y sus consecuentes sinergias.

Una visión crítica de los Derechos de Propiedad Intelectual

[ES]En los últimos años la ciencia ha avanzado a pasos agigantados y el obsoleto sistema de protección de los derechos sobre bienes intangibles no es capaz de afrontar los retos de las nuevas tecnologías. Las patentes, los derechos de autor etc. no son más que un mecanismo de control al servicio de las grandes multinacionales y gobiernos occidentales, que permiten que este tipo de monopolios sobre bienes intangibles pongan límites a los avances tecnológicos y el desarrollo, sobre todo en las naciones menos favorecidas.

Ezagutzaren dinamika Ikas Komunitateetan

[EUS] Laurogeita hamarreko hamarkadan, Eusko Jaurlaritzako Berriztapen Pedagogikoaren Zuzendaritzak eta Bartzelonako Unibertsitateko CREA (Gizarte eta Heziketarako Ikerkuntza Zentroa) ikerkuntza-taldeak Ikas Komunitateen proiektua jarri zuten martxan, elkarlanean, Euskal Autonomia Erkidegoko lau zentrotan. Zentro horiek hezkuntza-proiektu berri bat abiatzeko bidea ematen dute; izan ere, porrot akademiko handia izatearren hautatu dira, ikasle-taldeen aniztasunaren egoerari heltzeko arazo ugari dituztelako edota dauden lekuetan gizarte-bazterkeriarekin loturiko arazo anitz daudelako. Aldi berean, proiektuak eraldaketa proposatzen du, bai eskolarena, baita inguruarena ere, eta, horretarako, eskolako partaide guztiak hartzen ditu kontuan. Emaitza onak ikusi ostean, eta, hezkuntza-berriztapenaren alorrean lehentasuna izanik, ekimena zabaltzen hasi zen hastapeneko zentroez bestelako ezaugarri sozioedukatiboak dituzten eskoletara ere. Esperientzia berritzaile horiek aurrera eramateko gogo handiz agertu ziren, baita ere, «praktika on»en paradigma ez zirenak, eta, emaitzei begiratzen badiegu, dirudienez, etekin onak lortzen ari dira zentroetan. Ikas Komunitateen proiektuak berekin daraman gaitasun eraldatzaileak egokitzeko berezko ahala erakusten du. Egokitzapen horretan, eskolaren —inguruarekin batera— eta proiektuaren arteko sinbiosia lortzen da, hezkuntzako arrakasta- ekintzak sustatuz.

Ezkutuko ekonomia eta paraisu fiskalak

EZKUTUKO eKONOMIA ETA PARADISU FISKALAK Zer da Ezkutuko Ekonomia? Zer dira Paradisu Fiskalak? Eta zein da hauen artean dagoen erlazioa? Lan honen laburpena hiru galdera horien erantzunean aurkitzen da. Ezkutuko Ekonomia herrialde jakin bateko Kontabilitate Nazionalak arakatu gabeko jarduera oro izango da, eta Paradisu Fiskalak, herrialde jakin bateko zerga-sistema baino tributazio onuragarriagoak izango dituzten herrialdeak dira. Hala, Ezkutuko Ekonomiaren existentzia arrazoitzeko hainbat kausa egon daitezke, eta noski, kausa horiek ondorio batzuetara eramango gaituzte, guztiak edo ia guztiak ondorio negatiboak izango direlarik. Modu honetan, Ezkutuko Ekonomiaren baitan hainbat jarduera nabarmentzen dira eta jarduera horiek egoera ekonomiko txarretan, gaur egungo krisia kasu, indartu egiten dira. Honekin loturik, Ezkutuko Ekonomiaren esanahia zehatz mehatz ulertu ahal izateko, urteen poderioz fenomeno ekonomiko honek izan duen eboluzioa aztertzea ere azpi-gai garrantzitsua da, denboraren poderioz gertatzen denak esango baitigu fenomeno honek zenbaterainoko garrantzia duen gure gizartean. Azkenik, Ezkutuko Ekonomiarekin amaitzearren, Etika moralak guzti honengan duen iritzia jakitea ere komeni da, eta noski, Ezkutuko Ekonomiaren aurka borrokatzen dutenek zein motatako neurri aplikatzen dituzten ere jakin beharko dugu. Lan honen bigarren gai nagusiari eutsiz, Paradisu Fiskalak zehazki zer diren, zein ezaugarri betetzen dituzten eta herrialde bitxi hauetara jotzen duten erabiltzaileak zer nolakoak izaten diren arakatu beharko dugu. Bestalde, Paradisu Fiskal deritzen herrialdeak aukeratzerako orduan egin daitekeen aukeraketa ere aztergai izango dugu, ezaugarrien araberako Paradisu Fiskal ezberdinak sailkatzen direlarik. Modu honetan, herrialde guztiek ez dituzte banku mota berdinak izaten, banku guztiek ez dituzte zerbitzu berak eskaintzen eta ez da gauza bera izango sozietate mota bat edo beste eratzea. Hala, lehengo atalean egin moduan, Paradisu Fiskalen aurkako neurriei buruz ere jardungo gara eta baita Espainia inguruan, Europa eta mundu mailan abantaila fiskal onuragarriak dituzten herrialdeez ere. Bukatzeko, bi atal nagusiak arakatu ondoren, bi gai hauen arteko erlazioa sakonduko dugu, guzti honen inguruko ondorioak ateraz.

Hiri ondasun higiezinen gaineko zergaren aldaketaren eragina Gipuzkoako udal finantzaketarako foru fondoaren bilakaeran 2011-2014 denboraldian

Lan honen bitartez,2013.urtetik aurrera, etxebizitza hutsen gain aplikagarria den errekargu bat ezarri izanak,ekarri dituen ondorioak zein izan diren aztertuko dira. Eragin hau gehienbat zergetan emango da baina baita biztanlerian edo Udal Finantzaketarako Foru Fondoan ere. Etxebizitza hutsen gain aplikatuko den errekargu hori ekiditeko biztanleriak inolako akziorik hartu duen aztertzea izango da lan honen helburu nagusia. Burutu nahi den analisia egiteko, Gipuzkoa mailako datuak aztertzen hasiko gara eta ondoren zenbait irizpideren arabera hautatuko lagin ezberdinetan zentratuko gara, 10 udalerriz osaturiko lagin bakoitzarekin analisiak eginez.