Urteko Kontuen Ikuskaritza lana NIA-ES Arauetan oinarrituz: Guremugikor S.L. enpresaren kasua

Gradu Amaierako Lan honek mugikorren salerosketan jarduten duen Guremugikor S.L. fikziozko enpresaren 2014 ekitaldiko kontuen ikuskaritzaren prozesu osoa azaltzen du. Kontuen ikuskaritza burutuko duen auditorea Kepa Fernandez de Antona Garmendia da. Azken hau Kontabilitate eta Kontuen Ikuskaritza Institutuaren (ICAC) baimena duen pertsona fisikoa da eta Kontu Ikuskarien Erregistro Ofizialean (ROAC) inskribatua jardularien atalean. Era berean, Kepa Ekonomialari Ikuskarien Erregistroan (REA) inskribatuta dago. Ikuskaritzako lana egiteko aplikagarria izango den arautegia hurrengoa izango da: Kontuen Ikuskaritzaren Legea eta hau garatzen duen Araudia , ICAC-en Ebazpenak, ICAC-ek egokituriko Kontuen Ikuskaritzarako Nazioarteko Arauak (NIA-ES ) eta Kontuen Ikuskaritzarako Arau Teknikoak (NTA ), azken hauek NIA-ES-ak arautzen ez dituzten arloetan. Lanaren egiturari dagokionez, lau zatitan banatu dugu. Ikuskaritza prozesua agindu gutunarekin hasiko da, onartzen denean ikuskatze-kontratu bihurtuko denarekin. Une berean, aurretiazko berrikusketa egin eta Guremugikor S.L. 2014 ekitaldiko Urteko Kontuak zergatik ikuskatu behar dituen aztertuko dugu. Bigarrenik, ikuskaritza plangintza osatuko dugu, kontuen ikuskaritzaren prozesu osoan zehar gida izango duguna eta hurrengo aspektuak barne hartuko dituena: erakundearen eta sektorearen berezitasunen ezagupena, ebaluaketa analitikoa, barne kontrolaren ulermena, garrantzi erlatiboa eta ikuskaritza arriskuen balorazioa. Hirugarrenik, behin ikuskaritza plangintza ezarrita, sozietatearen 2014 ekitaldiko urteko kontuak osatzen dituzten arlo bakoitzerako ikuskaritza egitarauak egingo ditugu, bertan ikuskaritzako nabaritasun nahiko eta egokia lortzeko prozedurak burutuz. Bukatzeko, ikuskaritza txostena prestatuko dugu. Azken honen bidez, enpresaren urteko kontuek 2014 ekitaldiko ondarearen, emaitzen, egoera finantzarioaren eta diru-fluxuen irudi fidela aurkezten duten ondorioztatuko dugu.

Gipuzkoako udalen finantza kaudimenaren rankinga ratio aipagarrienen analisiaren arabera

[EU]Lan honen helburu nagusia,Gipuzkoako udalen finantza kaudimena aztertzeaz gain, beraien arteko konparaketa bat egin ahal izatea zen. Beste modu batera esanda,egoera hobeagoan dauden udalak nortzuk diren identifikatu ahal izatea. Hasi aurretik bagenekien, ordea, udal baten finantza kaudimena ez dagoela faktore bat edo biren arabera soilik, eta gauza asko subjektiboak direla ere bai. Gainera, eragina duten baldintza guztiak kontuan hartzea ere zaila da. Kasu honetan, 9-10 adierazle aukeratu dira, ondoren udal bakoitzak besteekin konparatuz adierazle horretan lortutako zenbatekoa 1etik 10erako puntuazio batekin baloratu da, eta azkenik, udaletxe guztien ranking bat osatu da. Ondorengo lerroetan ikus daiteke ranking honen testuingurua,erabilitako metodologia eta egindako kalkuluen ondorio nagusiak ere.

Arrantza sektorea: Santi Burgoa sl, 2018rako plan estrategikoa

Gradu Amaierako Lan hau egiterakoan arrantza sektorearen gaineko jakintza maila handiagotzea, sektorearen egoeraren berri ematea eta graduan zehar ikasgai ezberdinetan landutakoa praktikara eraman eta enpresa bati Plan Estrategikoa lantzea dira nire helburuak. Horretarako lehenik eta behin, Gradua Amaierako Lan honetan erabiliko dudan metodologia azaldu, landuko ditudan atalen buruzko Marko Teorikoa aurkeztu, arrantza sektoreari buruzko ezaugarri, iraganeko eta gaur egungo egoera, jasandako aldaketen zergatik, eta hobetzeko asmoz aurrera eraman daitezkeen pausuak plazaratuko ditut. Ondoren enpresaren kasuan murgilduko naiz, bere historia, xedea, bisioa eta balioak azalduz ondoren analisi estrategikoa egin eta helburuak planteatzeko. Azkenik, Gradu Amaierako Lan honen ondoriekin amaituko da lana.

Colaboración entre fabricante y distribuidor para la reducción del desperdicio alimentario en la cadena de suministro: situación actual y perspectivas

RESUMEN TFG CASTELLANO Este estudio trata de analizar el desperdicio alimentario que se da actualmente en cada una de las fases de la cadena de suministro alimentario. Inicialmente, se exponen los factores y hechos que han influido en los hábitos de consumo así como en la conciencia de los consumidores finales alterando así la producción y distribución de alimentos en general. Más tarde, se analiza la situación actual de los tres sectores sobre los que se lleva a cabo el estudio, que son el sector de la agricultura, concretamente el hortofrutícola, el sector ganadero y el sector pesquero. Posteriormente, se lleva a cabo un análisis para saber exactamente dónde, cómo y cuánta cantidad de alimento se desperdicia en cada uno de estos tres sectores. Por último, se expondrán diferentes conclusiones y propuestas con el fin de poner remedio a los diferentes problemas analizados anteriormente.

Espainiako erkidegoetako urteko soldata gordina faktore desberdinen menpe

Ikerkuntza honetan Espainiako erkidego bakoitzean 2010. urtean egondako alokairuen egoera aztertuko dut. Lan honen jomuga espainiar ekonomiako egiturazko arazo nagusienetariko bat aztertzean datza: lan merkatuko oreka. Hau da, Espainiako erkidego bakoitzeko alokairuen desberdintasunak aztertzea dut xedetzat.

Finantza baliabideen erabilpen eta kostuaren azterketa

Inguruko enpresa baten egoera ekonomiko finantzarioa aztertuz, ondoen egokitzen zaizkion finantza baliabide desberdinen azterketa eta hautaketa egitea helburu duen gradu amaierako lana.

Finantza-krisiaren eragina Espainiako Kreditu-erakunde nagusietan

Lan hau, finantza-krisiak Espainiako kreditu-erakundeetan eduki duen eragina nolakoa izan den aztertzeko balio du. Gaur egungo finantza-krisiak Espainiako kreditu-erakunde nagusietan sortarazi dituen aldaketak aztertzea da eta baita horrek sortutako ondorengo egoera.

Giza garapena eta giza pobrezia: teoriatik azterketa enpirikoetara

Denboraren poderioz garapen inguruko zenbait ikuspuntu aldatu egin dira. Lan honetan, kontzeptu honen eta honekin erlazio zuzena duten bilakaera ikertu egin da. Lehenengo atalean, alde batetik, garapen kontzeptuaren inguruan emandako aldaketak azaltzen dira, hau da, 1940. hamarkadan garapen teoria ekonomika modernoaren arabera, garapenaren azken helburua hazkundea zen, gainera produkzio gehiago eta pobrezia gutxiago kontzeptuen artean lotura estua zegoela uste zen. Urteak pasa ahala, honen inguruan ideiak aldatzen hasi ziren, MahbubulHaq-ek egindako lanari esker, 1989.urtean Giza Garapen kontzeptua indarra hartu zuen (gaur egun indarrean jarraitzen duena), honekin azalarazi nahi zen zer nolako garrantzia zeukan gizakiaren papera eta honen beharrak (osasuna, bizi kalitate duina…) garapena lortzeko eta pobrezian ez bizitzeko eta nola garapen hau kuantifikatzeko adierazle batzuk (Giza Garapen Indizea (GGI) eta Pobrezi Multidimentsional Indizea (PMI)) sortu ziren. Lanaren bigarren atalean, lurralde konkretu baten (Erdialdeko Amerikako Guatemala) sakondu egin da: lehenik eta behin, lurraldearen testuingurua azaldu da historian zehar emandako egoera garrantzitsuekin, bestetik bertako Giza Garapen eta Giza Pobreziaren egoera ikertzeko (GGI) eta (PMI)-ra jo da, arlo hauetan emandako bilakaera ikusteko. Guatemalako egoera kaskarra dela ondorioztatu daiteke, eta egoera hori hobetzeko Milurteko Garapen Helburuak (MGH) eta bestelako ekintza planteatu dira gaur egunerako eta etorkizunera begira.

Kontsumo sostengarria eta ingurumenarekiko errespetua Eroskiren politiketan

Gaur egun baliabide eta lehengai askotan dugun eskasia dela medio, garapen sostengarria izatea eta ingurumena babestea nazioartean garrantzia handia duen gai bat da. Egoera hau, urte askoren bitartean eztabaidatua izan den gai bat izan da. Horretarako politika eta estrategia desberdinak aurrera eraman dira, etorkizunera begiratuz. Estrategia hauen eraginez, enpresek geroz eta erantzukizun handiagoak dituzte. Haien politiketan, gizartea eta ingurumenarekiko ardura islatzea eskatzen da. Honek eragiten du, enpresek egoera aktibo eta arduratsu bat hartu behar izatea haien operazioek sortzen dituzten inpaktuen gainean. Erantzukizun honen helburuetariko bat, erakundeak aurrera eramandako praktiken eragin positiboak enpresarekin erlazioa duten eremu desberdinetan ikustea da, eragin negatiboak saihestuz. Era berean enpresaren lehiakortasunari eta iraunkortasunari lagunduz. Lan hau, garapen sostengarria eta ingurumenaren babesaren alorrean zentratzen da, enpresen egoeran sakonduz. Bereziki, Eroskiren kasua aztertuko da, izan ere bere jatorritik enpresa erreferentea izan da ingurumenarekiko babesean eta gizartearekiko erantzukizunean, eta horretarako erakunde honen politikak eta aurrera eramandako proiektu garrantzitsuenak komentatuko dira. Beraz, alde batetik, analisi teoriko bat egingo da, bilaketa bibliografiko landu baten bitartez, non Europa, Espainia eta Euskal Herri mailan garapen sostengarriaren alorreko legediak azalduko diren, enpresen ingurumen aldetiko erantzukizuna zein den aztertuko den eta kontsumo sostengarriaren alorreko azalpenak emango diren. Beste alde batetik, Eroskiren kasua aztertuko da, erakundearen politikak eta aurrera eramandako proiektuak komentatuz. Hau, enpresak duen web orrialdearen eta argitaratutako txosten desberdinetatik ateratako informazioaren bitartez lortu da. Horretaz aparte, elkarrizketa bat egin dugu Alejandro Martinezekin, Eroskiko Produktu Informatzaileko Zuzendariarekin. Bertan Eroskik garapen iraunkorraren alorrean duen papera azaltzen du eta ingurumena babesteko emandako pausuak. Baita pausu hauek aurrera eramateko modua eta erabakietan kontuan hartutako elementuak azaltzen dira. Azkenik, Gradu Amaierako lan honen garapenaren emaitza bezala lortu diren ondorio nabarmenenak agertzen dira, sintesi esfortzu bat egin delarik. EUSKERAZ EGINA.

Kontziliazioa, tresna garrantzitsua genero berdintasunerako bidean

[EUS]Lan honen bitartez emakumeek gaur egun lan merkatuan bizi duten egoera ezagutu nahi da. Batez ere kontziliazioan zentratuta dago, gaur egun genero berdintasunerako eta emakumeen egoera hobetzeko tresna garrantzitsu bat dela ulertzen delako.

Krisiari aurrea hartuz: SAKANA S. COOP. enpresaren estrategia aldaketaren ezarpena eta analisia

[EU] Gradu Amaierako Lan honetan SAKANA kooperatiba da aztertzeko erabili dudan enpresa. 1975. Urtean sortu zen fundizio enpresa industrial bat da. Enpresa hau Lakuntzan dago kokatuta (Nafarroa) eta gaur egun 290 langile ditu. SAKANAK krisi ekonomikoarekin batera etorri zen eskariaren jaitsiera sufritu zuen. Hala ere, gaur egungo egoera ona da, lehiakide batzuen porrota ikusita, krisiari aurre egitea lortu duen enpresa bat izan da. Egungo egoera honen erantzulerik nagusiena 2007. urtean egin zuten aldaketa estrategikoa da. Aldaketa hau integrazio bertikalean oinarritu zen. SAKANAK pieza eolikoak funditzeaz gain, mekanizazioa eta margotzea gehitu zituen bere balio katera. Aldaketa honek kooperatiba honen etorkizunerako norabide bat markatu zuen. Estrategia aldaketa horren kudeaketari dagozkion atal nagusiei egingo zaie aipamena lan honetan, hau da, estrategia horren ezarpena aztertuz eta balorazioa eginez.

Laneratze enpresak Euskal Herrian : balio sozialaren kuantifikazioa

Gizartea eta hura inguratzen duenari enpresek garrantzia ematen hasi diren aldi baten bizi gara. Izan ere ez dugu pentsatzen dugun informazio beste eta ezin diogu berrikuntzak egunerokoak dituen egoera honi era onenean edota dauden baliabide onenekin aurre egin. Esate baterako ba al dakigu zein enpresa mota den mesedegarria administrazioarentzat eta ondorioz gizartearentzat? Eta zer diren Laneratze Enpresak? Zer den balio soziala? Kuantifikatu daitekeen? Eta erantzuna bai bada, nola? Sozietatearen erdiak baino gehiagok ez daki hauei zer erantzun, oraindik zalantza sortzen duten terminoak eta galderak direlako. Hori da lan honen erronka eta lan honen helburua, hauek argitzea, azaltzea, kontzeptuak benetan bereganatzea, praktikan jartzea eta horiengatik ondorio batzuk ateratzea. Hau da, Laneratze Enpresa eta balio sozialari buruzko teoria ikustea eta errealitatera eramatea aukeratutako Laneratze Enpresa bati aplikatuko zaion balio soziala kuantifikatzeko metodologia baten bitartez, horrela lortutako emaitzetatik zenbait ideia ondorioztatuko direlarik. Azken hori, lanaren ekarpenik nabarmenena eta lan eta ilusio gehien suposatu duena izan da: Laiene Jatetxea S.L. Laneratze Enpresari berak sortzen duen balio soziala kalkulatzea, SPOLY metodologiaren bitartez eta erakundearen zuzendariaren ezinbesteko laguntzaren bitartez. Zergatik izan da baliagarria analisi hau? Enpresa berarentzat eta bertako partaideentzat etorkizunean non edo nola hobetu behar duten ikusteko tresna izan delako, enpresak benetan sortzen duena kuantifikatzea ahalbidetu duelako; eta administrazioarentzat eta gizartearentzat, tipologia honetako enpresek eta balio sozialari garrantzia emateak eta ondorioz kalkulatzeak zer nolako onurak dakartzan ezagutarazteko ikerketa ona izan delako.

Precariedad laboral en Europa

[ES] Tras una primera visión del concepto de precariedad y acotación del término en el ámbito europeo, este trabajo trata, por un lado, de exponer los factores y el marco social en el que se crea dicha precariedad laboral y, por otro lado, de analizar mediante diversos indicadores de calidad del empleo la incidencia en el caso de la Unión Europea y España. Se exponen la flexibilidad laboral y otros cambios empresariales, reformas legales o transformaciones en el contexto del mercado del trabajo como causantes del aumento de empleos atípicos, los cuales tiendes a ser de peor calidad. En cuanto a los indicadores de calidad utilizados destacan las tasas de actividad, la temporalidad, la estructura de la renta y el salario mínimo, el porcentaje del trabajo a tiempo parcial con respecto al total o las malas condiciones de trabajo, entre otros. Además se hace referencia a la crisis comenzada en 2007 y al efecto agravatorio de esta en la situación, especialmente en el caso de los jóvenes. Por último, se mencionan ciertas propuestas y políticas laborales.

Sexuagatiko soldata diskriminazioa: soldaten analisi ekonometrikoa Espainiako hegoaldean

Gradu amaierako lan honen asmo nagusia Espainiako hegoaldeko soldatak aztertzea da sexuagatiko diskriminazioa dagoen ikusteko. Hainbat ikerketa burutu dira gaurkotasun handia duen gai hau aztertzeko eta baieztatzeko, eta ikusi da, nahiz eta emakumeak lan merkatuan XIX. mendean barneratu, egungo lan merkatuak sexuagatiko bereizkeria erakusten duela, non lan bera egitean emakumeak eta gizonak jasotzen duten soldata ezberdina den. Egoera honen zergaitiak aztertzen dira, eredu ekonometriko baten bidez.

Ezkutuko ekonomia eta paraisu fiskalak

EZKUTUKO eKONOMIA ETA PARADISU FISKALAK Zer da Ezkutuko Ekonomia? Zer dira Paradisu Fiskalak? Eta zein da hauen artean dagoen erlazioa? Lan honen laburpena hiru galdera horien erantzunean aurkitzen da. Ezkutuko Ekonomia herrialde jakin bateko Kontabilitate Nazionalak arakatu gabeko jarduera oro izango da, eta Paradisu Fiskalak, herrialde jakin bateko zerga-sistema baino tributazio onuragarriagoak izango dituzten herrialdeak dira. Hala, Ezkutuko Ekonomiaren existentzia arrazoitzeko hainbat kausa egon daitezke, eta noski, kausa horiek ondorio batzuetara eramango gaituzte, guztiak edo ia guztiak ondorio negatiboak izango direlarik. Modu honetan, Ezkutuko Ekonomiaren baitan hainbat jarduera nabarmentzen dira eta jarduera horiek egoera ekonomiko txarretan, gaur egungo krisia kasu, indartu egiten dira. Honekin loturik, Ezkutuko Ekonomiaren esanahia zehatz mehatz ulertu ahal izateko, urteen poderioz fenomeno ekonomiko honek izan duen eboluzioa aztertzea ere azpi-gai garrantzitsua da, denboraren poderioz gertatzen denak esango baitigu fenomeno honek zenbaterainoko garrantzia duen gure gizartean. Azkenik, Ezkutuko Ekonomiarekin amaitzearren, Etika moralak guzti honengan duen iritzia jakitea ere komeni da, eta noski, Ezkutuko Ekonomiaren aurka borrokatzen dutenek zein motatako neurri aplikatzen dituzten ere jakin beharko dugu. Lan honen bigarren gai nagusiari eutsiz, Paradisu Fiskalak zehazki zer diren, zein ezaugarri betetzen dituzten eta herrialde bitxi hauetara jotzen duten erabiltzaileak zer nolakoak izaten diren arakatu beharko dugu. Bestalde, Paradisu Fiskal deritzen herrialdeak aukeratzerako orduan egin daitekeen aukeraketa ere aztergai izango dugu, ezaugarrien araberako Paradisu Fiskal ezberdinak sailkatzen direlarik. Modu honetan, herrialde guztiek ez dituzte banku mota berdinak izaten, banku guztiek ez dituzte zerbitzu berak eskaintzen eta ez da gauza bera izango sozietate mota bat edo beste eratzea. Hala, lehengo atalean egin moduan, Paradisu Fiskalen aurkako neurriei buruz ere jardungo gara eta baita Espainia inguruan, Europa eta mundu mailan abantaila fiskal onuragarriak dituzten herrialdeez ere. Bukatzeko, bi atal nagusiak arakatu ondoren, bi gai hauen arteko erlazioa sakonduko dugu, guzti honen inguruko ondorioak ateraz.