Diseño de un sistema para la detección y caracterización de impactos sobre estructuras.

[ES]Este documento pretende describir de manera clara y concisa la creacion de un dispositivo detector de impactos para estructuras de avion durante su transporte de muy bajo consumo, desde su concepcion como idea hasta su montaje, programacion y posterior comprobacion. El objetivo sera la culminacion exitosa del producto para mas adelante exponerlo ante posibles compradores y/o investigadores. Este dispositivo esta compuesto de tres partes, una unidad de adquisicion y adecuacion de la señal, que ser a recogida por un piezoelectrico; la unidad de inteligencia, que sera un microcontrolador programado en ensamblador mediante la herramienta MPLAB y un chip de radio, que se encargara de transmitir los datos a una unidad mas potente, lease un PC, tablet, movil...

Aurreko lotailu gurutzatu hausturaren erreadaptazio proposamena futbolean

Proiektu honetan, futbolean jokatzen duten eta Aurreko Lotailu Gurutzatuko haustura jasan duten pertsonentzako erreadaptazio edo ber egokitzapen proposamen bat egin da. Honela, lanaren lehenengo zatia funtsean teorikoa da, baina oso garrantzitsua izango da ondorengo puntu hauek hobetu ulertu ahal izateko eta gaiaren gaur egungo egoeraz jabetzeko: futboleko lesioen duela urte gutxiko edo gaur egungo egoera, lesio horien maiztasun eta kokapena, bai eta lesio horien ezaugarriak. Ondoren, Aurreko Lotailu Gurutzatuan zentratu naiz, lotailu horren ezaugarriak, funtzioak, etab. aipatuz eta gero lotailu horren apurketan arreta jarri dut. Gero apurketa horrendako, diagnostikoa, tratamendua eta errehabilitazioa zein den aztertu eta izendatu dut, egile ezberdinen lanak eta ikerketak kontuan harturik. Azkenik, ber egokitzapen edo erreadaptazio proposamen bat egiten dut, modu praktiko batean, landu beharreko giharren eta eragina duten ahalmen fisiko ezberdinak kontuan hartuz, bai metodo eta ariketa egokiak aukeratzen

Errehabilitazio programen mapa Euskal Autonomi Erkidegoan

Lan honen bidez, Euskal Autonomi Erkidegoko minbizia eta bihotz errehabilitazio programen egoera aztertu da, batez ere, programa horietan jarduera fisikoak betetzen duen papera aztertzeko. Horretarako, hiru lurraldeetako osasun publiko zein pribatuko hainbat erakundeko arduradunekin harremanetan jarri eta galdeketa bat pasa zaie. Galdeketa horren bidez errehabilitazioaren II. eta III. faseari buruz galdetu zaie eta lortu den informazioaren arabera, minbiziaren errehabilitazioaren III. fasea ez da inon burutzen edo gutxienez ez da horri buruzko informaziorik lortu. Bihotz errehabilitazioa, aldiz, hiru lurraldeetan burutzen dela erantzun dute. Erantzuna hori izan arren, gainontzeko galderak aztertuta ondoriozta daiteke, soilik osasun pribatuak ziurta dezakeela pazienteek III. fasea burutzen duela, beraiek gidatu eta kontrolatutako programa bat jarraitzen dutelako. Izan ere, osasun publikoak ez du III. faserako programarik eskaintzen, soilik gomendioak ematen ditu pazienteek beren kabuz egiteko. Gainera, hainbat arrazoi direla eta, batez ere, arrazoi ekonomikoa dela eta, oso pertsona gutxi dira fase hau osasun pribatuaren bidez burutzen dutenak. Beraz, egoera aztertuta eta dauden beharrak ikusita, lan honen bidez errehabilitazio programak eskaintzen dituen erakunde bat sortzeko proposamena egiten da.

Busturialdeko euskararen hizkuntza-aldakortasuna denboran eta espazioan

244 p.

Gizarte erantzukizun eta garapen jasangarriaren inguruko ekimenak: Global Compact

[EU]Gradu Amaierako lan honetan, enpresen gizarte erantzukizunak azkenaldian hartu duen garrantzia kontuan hartuta, kontzeptu hau jorratuko da eta eremu honetan burututako ekimen ezberdinen artean bat aukeratuko da, honen garapena eta inplementazioa aztertzeko. Hain zuzen ere, lan honetan erabiliko den ekimena, Munduko Hitzarmena edo Global Compact-a izango da. Hau, nazioarte mailako ekimen bat izanik, 10 printzipio proposatzen ditu, lau eremu ezberdinetan banatuz: Giza eskubideak, lan-arauak, ingurumena eta ustelkeriaren kontrako borroka. Bukatzeko, Global Compact-a aplikatzen duten sektore ezberdinetako hiru enpresa aukeratuko dira eta bakoitza dimentsio bat aztertzeko erabilia izango da, soziala, ekonomikoa eta ingurumenekoa hurrenez hurren. Azkenik, lanean zehar aztertutakoa kontuan hartuta zein ondoriotara iritsi garen adieraziko da.

La libertad de información y revelación de datos fiscales

[ES]Con el desarrollo de las nuevas tecnologías, se han facilitado las relaciones, acortado el tiempo de espera y agilizado los trámites con la Administración Pública. Estos adelantos, sin embargo, han propiciado que sea necesario proporcionar información de carácter personal de los ciudadanos, que en la mayoría de los casos es sensible. Es por esto que en los últimos años se han ido modificando e introduciendo nuevas leyes que permiten proteger estos datos de carácter personal. Cuando un contribuyente realiza sus obligaciones tributarias suministra datos de carácter personal a Hacienda, datos que están protegidos por la Ley Orgánica de Protección de Datos. El Sistema Tributario deber ser eficaz y transparente. Sin embargo, cabe preguntarse dónde se sitúa el límite a esa transparencia. Con el fin de que la transparencia sea máxima y de que la ciudadanía se conciencie de la importancia de cumplir con sus obligaciones tributarias el legislador se ha planteado la posibilidad de publicar una lista de deudores y las sentencias firmes condenatorias de grandes defraudadores. Esta publicación de las listas aparentemente vulneraría los derechos de los ciudadanos en lo referente a la protección de datos con opiniones encontradas. Tras informes de diferentes organismos se ha llegado al Proyecto de Ley de Modificación parcial de la Ley 58/2003, General Tributaria (Boletín Oficial de las Cortes Generales del 30 de abril de 2015), que permitiría publicar las listas con ciertos límites: publicación únicamente del nombre de la persona física o jurídica y DNI o NIF. Además, para permitir la publicación de las sentencias firmes de los defraudadores, recientemente se ha aprobado el Proyecto de reforma de la Ley Orgánica del Poder Judicial.

Gipuzkoako udalen finantza kaudimenaren rankinga ratio aipagarrienen analisiaren arabera

[EU]Lan honen helburu nagusia,Gipuzkoako udalen finantza kaudimena aztertzeaz gain, beraien arteko konparaketa bat egin ahal izatea zen. Beste modu batera esanda,egoera hobeagoan dauden udalak nortzuk diren identifikatu ahal izatea. Hasi aurretik bagenekien, ordea, udal baten finantza kaudimena ez dagoela faktore bat edo biren arabera soilik, eta gauza asko subjektiboak direla ere bai. Gainera, eragina duten baldintza guztiak kontuan hartzea ere zaila da. Kasu honetan, 9-10 adierazle aukeratu dira, ondoren udal bakoitzak besteekin konparatuz adierazle horretan lortutako zenbatekoa 1etik 10erako puntuazio batekin baloratu da, eta azkenik, udaletxe guztien ranking bat osatu da. Ondorengo lerroetan ikus daiteke ranking honen testuingurua,erabilitako metodologia eta egindako kalkuluen ondorio nagusiak ere.

Automobilgintza Euskal Herrian

Gradu Amaierako lan honetan Euskal Herriko automobilgintza sektorearen nondik norakoak izango ditugu aztergai, automobilgintza sektoreko industria laguntzailean arreta berezia jarriz. Bestalde,sektore honetan garrantzitsuak diren zenbait kontzeptu edo ekintza jorratuko ditugu eta euskal enpresek garatutako estrategiak aztertuko ditugu adibideak emanez. Amaitzeko,sektorearen AMIA analisia egingo dugu sektorearen erronkak deinituz eta bide batez etorkizuna aurreikusten saiatu.

Bankuen gobernantzaren eragina 2007ko banku krisian: Basileako printzipioak eta adituen iritziak oinarri

[EUS] Gaur egun mundu osoa 2007ko banku krisian murgilduta dabil. Krisiaren sorrera hainbat ikuspuntutik azaldua izan da azken urteotan. “Bankuen gobernantzaren eragina 2007ko banku krisian: basileako printzipioak eta adituen iritziak oinarri” lanak, 2007-ko krisia banku gobernantzak izandako akatsetatik aztertu egiten du. Horretarako, arriskuaren kudeaketan, ordainsari sistemetan edota kontseiluetan krisi aurreko urteetan egondako gertaerak aztertuko dira. Aipatutako azterketa, Basileako printzipioetan eta bai aditu ezberdinen iritsietan oinarriturik egongo da. Hori dela eta, krisi aurretiko garaian indarrean zeuden Basilea I eta Basilea II azalduko dira lehenik eta behin. 2007ko Krisia eta baita banku gobernantzak bertan izandako akatsak aztertuko diren hurrengo esparruak dira. Banku gobernantzaren akatsen artean, arriskuaren kudeaketa, produktu finantzario berriak, ordainsari edo pizgarri sistemak eta kontseilua azalduko dira batez ere, hauek izan baitziren akats larrienak izan zutenak. Behin krisia eta haren faktoreak azalduta, Basilea III azalduko da krisi aurreko printzipioak (Basilea I eta Basilea II) krisi ondoren zelan aldatu diren ikusteko. Azkenik adituek banku gobernantza zelan hobetuko luketeen azalduko da eta gainera, aditu hauen iritsien eta basileako printzipioen aldaketen arteko konparaketa bat egingo da komunean zein ondoriotara hel daitekeen aztertzeko. Banku gobernantzaren akatsak aztertzeaz aparte, adituen ustez banku gobernantza nola hobe daitekeen ere aztertu egingo da arazoari irtenbideak bilatzeko asmoz. Krisiak Basileako printzipioetan eragindako aldaketak ere azalduko dira, banku gobernantzaren arauak zelan aldatu diren ikusteko. Beraz, banku gobernantzak izandako akatsak aztertuko dira. Akats guzti horiek etika aldetik zein eragin izan duten eta batez ere krisialdiaren hasieran izan zuten papera zein izan zen aztertuko da.

Erakunde Berritzaileak: Berrikuntza Estrategiaren Ezarpenerako Proposamenak.ESDORen kasua

[EU]Lan honen helburua gaur egun enpresen munduan berrikuntzak duen garrantzia analizatzea da, gai honek daukan ohiartzuna ezagutzea da. Konkretuki kosmetika sektorean zentratzen da lana, berrikuntzak Espainian dauka gailentasuna aztertzeaz gain, kosmetika sektoreak gai honen inguruan inbertsioak egiten dituen edo ez ikertu nahi da. Horretarako kosmetika sektoreko enpresa bat erabiltzen da adibide gisa, ESDOR COSMETICOS hain zuzen ere. Espainia mailan ezaguna den Grupo Matarromera ardogintza sektoreko enpresaren barnean dagoen produktu linea bat da, baina independenteki jokatzen du eta bere autonomia propioa dauka. Lan honekin, berrikuntzaren garrantzia aztertu nahi da, batez ere honen presentzia kosmetika sektorean. Honetaz gain, Espainiako berrikuntzan zentratzen da lana gehien bat eta lanak hurrengo galderetako batzuei erantzuna aukitzea dauka helburu gisa: Ze berrikuntza mota erabiltzen da gehien bat Espainiako kosmetika sektoreko enpresetan?, Berrikuntza garrantzizkoa da, baina zein puntutaraino? Lehiakortasun maila dela eta nola berritzen dute? Berrikuntza zientifikoa edo marketing arloko berrikuntza da gehien erabilzen dutena? Kontsumitzaileen aldetik nolako erantzuna dago berrikuntza eta produktu kosmetikoekiko?...

Erretiroaren pentsioa eta adinez langile nagusien lan-bizitzaren luzamena

[Pentsio-sistema honela antolatzen da: lehen maila, kotizaziopeko pentsioak jasotzen ez dituztenei pentsioak ordaintzera bideratzen da; bigarren maila, Gizarte Segurantza edo kotizaziopeko pentsioena da; hirugarren maila, borondatezko gizarte-aurreikuspen osagarriari dagokio Euskal Autonomia Erkidegoan eta pentsio-planei Espainian. Bigarren mailan, Gizarte Segurantza banaketa-sisteman oinarritzen da. 2050ean erretiro-pentsioak finantzatzeko arazoak egotea espero da. Etorkizuneko egoerari aurre egiteko, 27/2011 Legearen eta 5/2013 Errege Lege Dekretuaren bitartez, erreformak burutu dira. Hirugarren mailan, Euskal Autonomia Erkidegoan gizarte-aurreikuspen osagarria Eusko Jaurlaritzaren esku dago eta Borondatezko Aurreikuspen Sozialeko Erakundeen (BASE) aurreikuspen-planak bertako pentsio-plan propioak dira. Lan honetan, batez ere, pentsio-sistemaren bigarren eta hirugarren mailak aztertuko ditut. Lehenengo marko teorikoa, ondoren alde praktikoa, eta azkenean datuetan oinarrituz proposamen batzuk eman eta ondorioak aterako ditut.]

Espainiako etorkinen okupazio tasaren analisia

Lan honen helburua 2011 urteko Espainiako etorkinen okupazio-tasa aztertzea izango da, INE-ren orrialdetik lortutako 2011ko biztanleriaren erroldak ematen duen informazioan oinarrituta. Historikoki Espainia emigrazio herrialdea izan den arren, 2000 urtetik aurrera etorkinen gorakada nabarmen bat eman da, arrazoi geografiko, ekonomiko eta linguistikoen ondorioz. Beraz, lanean zehar etorkinen arteko ezberdintasunak azalduko dira, beraien sexuaren, hezkuntza mailaren, jatorri herrialdearen edo Espainiako bizilekuaren arabera, beti ere gogoratuz okupazio-tasa dela lanaren ardatz nagusia. EUSKERA.

Laneratze enpresak Euskal Herrian : balio sozialaren kuantifikazioa

Gizartea eta hura inguratzen duenari enpresek garrantzia ematen hasi diren aldi baten bizi gara. Izan ere ez dugu pentsatzen dugun informazio beste eta ezin diogu berrikuntzak egunerokoak dituen egoera honi era onenean edota dauden baliabide onenekin aurre egin. Esate baterako ba al dakigu zein enpresa mota den mesedegarria administrazioarentzat eta ondorioz gizartearentzat? Eta zer diren Laneratze Enpresak? Zer den balio soziala? Kuantifikatu daitekeen? Eta erantzuna bai bada, nola? Sozietatearen erdiak baino gehiagok ez daki hauei zer erantzun, oraindik zalantza sortzen duten terminoak eta galderak direlako. Hori da lan honen erronka eta lan honen helburua, hauek argitzea, azaltzea, kontzeptuak benetan bereganatzea, praktikan jartzea eta horiengatik ondorio batzuk ateratzea. Hau da, Laneratze Enpresa eta balio sozialari buruzko teoria ikustea eta errealitatera eramatea aukeratutako Laneratze Enpresa bati aplikatuko zaion balio soziala kuantifikatzeko metodologia baten bitartez, horrela lortutako emaitzetatik zenbait ideia ondorioztatuko direlarik. Azken hori, lanaren ekarpenik nabarmenena eta lan eta ilusio gehien suposatu duena izan da: Laiene Jatetxea S.L. Laneratze Enpresari berak sortzen duen balio soziala kalkulatzea, SPOLY metodologiaren bitartez eta erakundearen zuzendariaren ezinbesteko laguntzaren bitartez. Zergatik izan da baliagarria analisi hau? Enpresa berarentzat eta bertako partaideentzat etorkizunean non edo nola hobetu behar duten ikusteko tresna izan delako, enpresak benetan sortzen duena kuantifikatzea ahalbidetu duelako; eta administrazioarentzat eta gizartearentzat, tipologia honetako enpresek eta balio sozialari garrantzia emateak eta ondorioz kalkulatzeak zer nolako onurak dakartzan ezagutarazteko ikerketa ona izan delako.

Marketin Esperientziala: Kasu praktikoa. Pop-up Storeak.

Aditu askoren arabera, milurteko berriaren atarian marketin filosofia berri bat hasi zen loratzen: Marketin Esperientziala. Filosofia berri horrek paradigma aldaketa bat suposatzen du, fokua bezeroek enpresekin bizi dituzten esperientzia gogoangarrietan jartzen duena. Gaur egun, produktu eta zerbitzuak geroz eta antzekoagoak dira, kalitate eta prezioan oinarritutako lehia ez da nahikoa eta bezeroa geroz eta zorrotzagoa da. Horrek guztiak desberdintzeko bide berriak bilatu beharra dakar eta, horregatik, produktu eta zerbitzuez gain esperientziak sortu eta eskaintzea aukera paregabea bilakatu da enpresentzat, hau da, faktore emozionala kontuan hartzea. Gradu Amaierako Lan honek filosofia berri horren nondik norakoak aztertzea bilatzen du eta baita erosketa puntuan nola aplikatzen den ikertzea ere; izan ere, erosketa puntuek bezeroa, produktu/zerbitzua eta langileak atmosfera bakar batean biltzen dituzte. Horretarako, erosketa puntuan parte-hartzen duten esperientzia-eragile nagusiak aztertuko dira: zentzumenak, estetika eta diseinua eta langileen portaera. Ondoren, adibide gisa kasu praktiko eta esanguratsu bat aztertuko da: Pop Up Storeak edo, beste era batera esanda, aldi baterako establezimenduak.

Nazioarteko finantza krisia:Europako herrialde kaltetuenetan izandako ondorioak

[EU]2008.urtetik pairatzen ari garen krisialdia mundu osoko ekonomietan izan du eragina. Depresio Handitik krisi larriena izaten ari dena Estatu batuetan hasi eta bereziki herrialde garatuetan barreiatu ditu bere efektu negatiboak. Testuinguru honetan, lanaren helburu nagusia izango da krisiaren ondorioz gehien kaltetuak izan diren Europako herrialdeen arteko ezaugarri antzeko eta ezberdinak ezagutzea. Horretarako erabilitako metodologia, analitiko-sintetikoa izanik. Aukeratutako herrialdeen ezaugarri nabarmenak aztertu eta gero, bakoitzean krisiaren eraginak azaltzen dituzten faktore esanguratsuenak identifikatu ditugu. Bukatzeko, faktore horiek herriz herri errepikatzen diren edo, aldiz, desberdinak diren ondorioztatzea dugu helburu.