Implementación de sistema ETCS en entorno cliente-servidor.

[ES]La interoperabilidad entre distintas redes ferroviarias europeas es muy escasa. Para dar solución a este problema, la Unión Europea creó el sistema europeo de gestión del tráfico ferroviario (ERTMS), encargado de crear un estándar único para toda la red europea. El objetivo de este proyecto es la implementación del sistema ETCS ( European Train Control System ) en un entorno cliente-servidor. La implementación incluye el sistema del tren y el del centro de control (RBC). Se ha implementado de forma que se pueda operar sobre dos protocolos de red transporte, de forma que será compatible tanto para redes orientadas a la conexión (TCP) como no orientadas a conexión (UDP).

Sistema de control multipropósito programable por pulsación de teclas con álgebra RPN.

[ES]Para la elaboración del presente proyecto, primeramente se explicara los requerimientos técnicos y el origen del microprocesador a utilizar para poder situar y centrar el tema del trabajo. Una vez acotado y delimitado el tema objeto de estudio, se planteara una arquitectura de software sobre la posibilidad de generar unas “pseudolibrerias” de mayor nivel de programación que el ensamblador. Posteriormente, se verificara la posible viabilidad o no de tal planteamiento, exponiendo sus resultados y las consideraciones oportunas a las que nos ha llevado su estudio. Para ello se analizara en una primera instancia el microprocesador a utilizar, que será el PIC16F887, centrándonos en el debido al amplio manejo y conocimiento que poseemos sobre este microprocesador. El objeto de este escrito será presentar una oferta económica relativa al desarrollo e instalación de dichos microprocesadores para la mejora en el ámbito industrial. Finalmente, realizaremos un estudio sobre la implementación de este tipo de arquitectura software en diferentes microprocesadores de mayores prestaciones, estudiando si la infraestructura será eficiente, funcional y económica.

Donostian bizikletak garriobide moduan bizi duen egoeraren analisia eta hau sustatzeko proposaturiko programa

Donostian bizikletak garraiobide bezala bizi duen egoera azaltzen da lan hontan. Txirrindaz desplazatzen den populazioa eta txirrindaz desplazatzeko dagoen azpiegituraren egoera analizatzen da. Bestalde, jendea bizikletaz desplazatu dadin sustatzeko gaur egun aurrera eramaten ari diren proiektuak eta hauetaz arduratzen diren organizazioetaz ere hitz egiten da. Azkenik, aurrekoa analizatu ostean, jendea hirian txirrindaz gehiago desplazatu dadin lortzeko helburuarekin sortutako proposamen bat egiten da. Bertan hainbat ekintza egingo dira aipatu dugun helburua lortzeko. Gure proposamenak aurrera jarraitzekotan gauzatu beharreko faseak, egon beharko liratekeen areak, kontuan hartu beharreko faktoreak eta halakoak lantzen dira proiektuak garapen eta gestio egokia izan dezan

Down sindromea duten umeen inklusibitatea eta dantza klasikoaren onurak haiengan

Gai honekiko interesa, aurreko urtean “Jarduera fisiko inklusiboa” irakasgaia hasi genuenean piztu zitzaidan eta lan hau egitea erabakitzearen arrazoia, dantza campus batean monitore moduan bizitako esperientzia izan zen. Bertan, gaixotasun ezberdinak zituzten umeak elkartu ziren gure klubeko umeekin batera lan egiteko eta dantza egiten gozatzen zutena ikusita gozatzen nuen nik ere. Baina bereziki, Down Sindromea (DS) duten umeekin lan egiteko gogoa sortu zitzaidan. Horren geroztik, gaixotasun hau duten pertsonekin lan egiten duten dantza taldeak badaudela aurkitu nuen, baina nire asmoa ez da soilik DS duten umeei dantza egiten irakastea, baizik eta ume hauen eta gaixotasunik ez dutenen arteko elkarlana bultzatzea ere, inklusibitatea hain zuzen, baita dantzak haiengan sortzen dituen onurak aztertzea ere, bai fisiko zein psikologikoki.

Errehabilitazio programen mapa Euskal Autonomi Erkidegoan

Lan honen bidez, Euskal Autonomi Erkidegoko minbizia eta bihotz errehabilitazio programen egoera aztertu da, batez ere, programa horietan jarduera fisikoak betetzen duen papera aztertzeko. Horretarako, hiru lurraldeetako osasun publiko zein pribatuko hainbat erakundeko arduradunekin harremanetan jarri eta galdeketa bat pasa zaie. Galdeketa horren bidez errehabilitazioaren II. eta III. faseari buruz galdetu zaie eta lortu den informazioaren arabera, minbiziaren errehabilitazioaren III. fasea ez da inon burutzen edo gutxienez ez da horri buruzko informaziorik lortu. Bihotz errehabilitazioa, aldiz, hiru lurraldeetan burutzen dela erantzun dute. Erantzuna hori izan arren, gainontzeko galderak aztertuta ondoriozta daiteke, soilik osasun pribatuak ziurta dezakeela pazienteek III. fasea burutzen duela, beraiek gidatu eta kontrolatutako programa bat jarraitzen dutelako. Izan ere, osasun publikoak ez du III. faserako programarik eskaintzen, soilik gomendioak ematen ditu pazienteek beren kabuz egiteko. Gainera, hainbat arrazoi direla eta, batez ere, arrazoi ekonomikoa dela eta, oso pertsona gutxi dira fase hau osasun pribatuaren bidez burutzen dutenak. Beraz, egoera aztertuta eta dauden beharrak ikusita, lan honen bidez errehabilitazio programak eskaintzen dituen erakunde bat sortzeko proposamena egiten da.

Genero ezberdintasunaren ebaluazioa Asti Leku ikastolako DBH eta Batxilergoko Gorputz Hezkuntzan

Egungo gizartean, nahiz eta azken urteetan aurrerapauso handiak egin diren berdintasunerantz, jarduera fisiko eta kirolaren munduan ezberdintasunak daude oraindik ere generoen artean, nesken kalterako. Nelson Mandelak zioenez, hezkuntza mundua aldatzeko erabili daitekeen armarik indartsuena da. Beraz, zerbait aldatu nahian, kasu honetan, gizartean ematen diren genero ezberdintasun hauek ekiditeko, hezkuntzaz baliatzea aukera paregabea da, arrazoi honengatik, hezkuntzan, heziketa fisikoan bereziki, berdintasuna bilatuko da. Eskola, gizartearen ispilua da, eta ondorioz, bertan ere genero arteko ezberdintasun horiek Heziketa Fisikoarekiko nabarmenak dira. Hezkidetza arazo hau Portugaleteko Asti Leku ikastolan agerikoa da: zentro honetako Heziketa Fisikoko klaseetan genero arteko ezberdintasuna nabaria da arlo honekiko ikasleen jarreran, orokorrean nesken jarrera negatiboagoak eraginda. Zer egin daiteke Asti Leku ikastolan ezberdintasun horiek saihesteko? Galdera honi erantzuna bilatu nahian, genero ezberdintasunean garrantzitsuak izan daitezkeen faktore batzuk aztertuko dira, hala nola, ebaluazioa, eskola, ezberdintasun fisikoak, espazioa, irakasleak, ezkutuko curriculuma eta kirol eskaintza. Ondoren, horiek Asti Leku ikastolan zer nolako eragina duten aztertuko da, horrela zentroko DBH eta Batxilergoan Heziketa Fisikoan ematen den hezkidetza arazoari aurre egiteko zein aldaketa egin daitezkeen ondorioztatzeko, hala nola, kirol-eskaintzan, espazioan eta programazioan.

Natura zainduz eta ezagutuz!

Ondorengo orri hauetan, Oiartzungo lurraldean natur jardueren sustapena gauzatzeko proiektu baten azalpena ageri da. Urte hauetako natur jardueren masifikazioa baliatuz eta Oiartzunen aurki ditzakegun paraje naturalak erabiliz, inguruko biztanleriari beraien ondare natural zein kulturala erakusteko asmoz, Oiasso Natur enpresaren eskutik, mendi irteeren eskaintza bat aurkezten da. Bertan, emandako urratsak eta hauen nondik norakoak ikusteko aukera dago. Lurraldearen analisi sakon bat egiteko eta ondorioak ateratzeko egindako bilaketa irakur daiteke ere. Txangoei dagokionez, adin guztientzako txangoak dira eta edonor liluratuta uzteko kapaza diren txangoak ikustarazteko eginak dira.

Olabide Ikastolako heziketa fisikoaren azterketa pedagogikoa. 2014/2015 Ikasturtea

2014/2015 ikasturteko Olabide Ikastolako azterketa pedagokioan eta heziketa fisikoaren arloan batez ere zentratzen den ikerlan bat da. Zuzeneko behaketa, elkarrizketa eta esperientziaren bitartez eta lehenik eta behin zentroaren bare planifikazioa ezagututa, heziketa fisikoaren jarduera eta edukien azterketa eta hauen ebaluatzeko erabiltzen den sistema ezagutuko dugu.

Zaztaparrak Asti Taldearen 2016-2020 denboraldiko planifikazio estrategikoa

Azken urteetan, Zaztaparrak asti taldea Arratia eta Zeberio lurraldeetako aisialdian liderra bilakatu da, izan ere, arlo honi dagozkion lan-esparru gehienetan (udalekuak, ludotekak, gazte espazio ezberdinak…) indar gehien duen elkartea da. Egoera honek, helburu berriak amestea ahalbidetu dio elkarteari eta, horrela, asmo handiko proiektuak aurrera eramateko aukera sortu da. Horretarako, txosten honen bitartez, Zaztaparrak asti taldearen plan estrategikoa aurkezten da, hurrengo urteetan izan beharreko jokabidea eta programazioa aurkezten duena alegia. Plan honen bitartez, jarduera fisikoaren promozioa helburu izanik, elkarteak, aisialdi aktiboago bat bultzatzen du. Helburu honek, turismo aktiboaren esparruko enpresekin komunikazio kanalak osatzea bilatzen du eta horrela, eskaintza aktibo horren parte bilakatzera eramango du. Horretaz guztiaz gainera, bere ekintza eremua Euskal Herri osora zabaltzea bilatzen du, izan ere, elkartea sortzerakoan Arratiako bailaran zeuden beharrak gure herrialdeko beste hainbat txokotan ere aurkitzen dira eta, horrela, Zaztaparrak asti taldeak aisialdi elkarte ezberdinen elkarlana koordinatzea du helburu. Hala, jarraian, elkarteak eman nahi duen salto kualitatibo hau bideratuko duen plan estrategikoa aurkezten da.

16-20 urte bitarteko futbol jokalarien errendimendu fisikoa zelaiko postu espezifikoen arabera

Futbolean egoten ari den garapenarekin bat, indibidualizaziorako joera ezartzen ari da futbolean, postu espezifiko bakoitzaren beharren arabera entrenatzaile zein prestatzaile fisikoek entrenamendu prozesuak egokituz. Ikerlan honen helburu nagusia zelaiko postu espezifikoen arteko ezberdintasunak aztertzea izango da azelerazio gaitasunean, trebetasunean, behe gorputz adarreko indar elastiko esplosiboan eta ahalmen aerobikoan denboraldiko bi une ezberdinetan. Horrez gain, jokalariek bi une ezberdinen artean izandako bilakaera aztertuko da. 16-20 urte bitarteko 37 jokalarik parte hartu dute ikerketan, hurrengo postuetan sailkatuz: erdiko atzelariak (EA), hegaleko atzelariak (HA), erdilariak (ERD), hegaleko erdilariak (HEG) eta aurrelariak (AUR). 15m linealeko lasterketa, Barrow test egokitua, kontra mugimenduzko jauzi bertikala beso askeekin eta Yoyo intermittent recovery test Level 1 proba fisikoak burutu ziren aurredenboraldiko lehen astean (T1) eta gabonetako lehiaketa etenaren osteko astean (T2). Jokalariak orokorrean aztertuta trebezian eta ahalmen aerobikoan izan zituzten ezberdintasun adierazgarriak bi proba fisiko aldien artean. Postuen arteko ezberdintasunei dagokionez, azelerazio gaitasunean, trebetasunean eta ahalmen aerobikoan aztertu ziren ezberdintasun adierazgarriak lehenengo proba fisiko aldian. Bigarren proba fisiko aldian berriz soilik trebetasunean aztertu ziren ezberdintasun adierazgarriak postuen artean. Denboraldian zehar izandako bilakaerak ere aztertu dira, postuen artean ezberdintasunik egon gabe proba batean ere ez. Esan beharra dago formazioko adinetan jokalariak postu ezberdinetan jokatu ahal izatea bilatzen dela, hori dela eta, ez dute postu batekiko espezializazioa izango. Interesgarria izan daiteke, formazioko aldi honetatik aurrera prestatzaile fisiko eta entrenatzaileentzat, postu espezifiko bakoitzeko jokalariei entrenamendu espezifikoak ezartzea, postu bakoitzaren behar fisiko zein tekniko-taktiko espezifikoetan hobekuntza nabariagoak izateko helburuarekin.

Busturialdeko euskararen hizkuntza-aldakortasuna denboran eta espazioan

244 p.

Euskal herriko unibertsitatearen eragina spin-offen sortze- eta garapen-prozesuan

[EU]Enpresak sortzeko UPV/EHUko lehen programek eta programa horietatik sortutako lehen spin-offek hamabost urte baino gehiagoko ibilbidea egin dute jada. Denbora tarte horretan, hain zuzen, UPV/EHUtik hainbat spin-off sortu dira. Logikak agintzen duen moduan, enpresa bakoitzak garapen zehatza izan du, eta gaur egun bizi duen egoera bakarra da. Hala nola, enpresa bakoitzak unibertsitatearekin egun duen harremana ere desberdina da. Bada, ikerlan honen helburu nagusia da, alde batetik, UPV/EHUko egungo testuinguru ekintzailea aztertzea; eta bestetik, unibertsitateak spin-offen sorrera eta garapenean izan duen eragina ikertzea. Horretarako, enpresak sortzeko UPV/EHUko programaren baten babespean sortutako 40 spin-off aztertu dira, web formulario bidez bidalitako inkesta baten bitartez.

Enpresen gizarte erantzukizuna eta honen komunikazioa: Espainiako herrialdean GRI txostenen erabilpenaren azterketa

[EU] Lan honen jorrapenarekin enpresen erantzukizun sozialaren definizioa finkatzeaz gain, honi lotutako funtseko hainbat puntu argitzea izan da nire nahia. Gizarte erantzukizun honen aplikazioak enpresengan ez du beti garrantzi berdina izan, horregatik izandako eboluzioaren jarraipena burutu da, historian zehar jasandako etapa desberdinak antzemanez. Eboluzio iraunkor horren errudunaren bila ere aritu naiz, maila internazionalean hedapen maila handiena izan duten ekimenen garapena ikertuz; horien artean: Munduko Ituna, ISO eta “Global Reporting Initiative” (GRI). Ikerketan gizarte erantzukizun mundu honetan komunikazioak izan duen garrantzia ikusi da eta hau dela medio, GRI erakundeak argitaratutako giden azterketa egitea ere ezinbestekoa izan da. Ekimen honen lanketan Espainia gainerako herrialdeengandik bereizten dela nabarituz, eragin esanguratsu hori sorrarazi duten arrazoien bila ere aritu naiz lanean zehar. Horretarako lehenbizi Espainiako enpresen erantzukizunaren garapena aztertu da; alde praktikoari dagokionez, ordea, herrialde horretan zerbitzuen sektorean diharduten bi enpresek argitaratutako jasangarritasun txostena eredu moduan hartuz bien arteko konparaketa bat eraman da aurrera. Lanari amaiera emateko aurrez aipatutako ikerkuntza guztietatik ateratako ondorio orokorren aipamena egiten da, kalitatezko gizarte erantzukizunaren garapenerako beharrezkoa dena azpimarratuz.

Enpresen sorkuntzak eta desegiteak

Lan honen helburua, Espainiako enpresen sorkuntzetan eta desegitetan 2005-2014 bitartean izandako bilakaera aztertzea da. Horretarako Espainiako datuak beste herrialde batzueko datuekin konparatuz erantzuna emango da. Espainiako kasuan sakontzeko sektoreen eta komunitateen azterketa ere egingo da. Konparatzeko, datu kuantitatiboak zein grafikoak analisi kualitatiboekin batera erabiliko dira. Beraz analisi deskriptiboa nagusi izango da.

Gizarte erantzukizun eta garapen jasangarriaren inguruko ekimenak: Global Compact

[EU]Gradu Amaierako lan honetan, enpresen gizarte erantzukizunak azkenaldian hartu duen garrantzia kontuan hartuta, kontzeptu hau jorratuko da eta eremu honetan burututako ekimen ezberdinen artean bat aukeratuko da, honen garapena eta inplementazioa aztertzeko. Hain zuzen ere, lan honetan erabiliko den ekimena, Munduko Hitzarmena edo Global Compact-a izango da. Hau, nazioarte mailako ekimen bat izanik, 10 printzipio proposatzen ditu, lau eremu ezberdinetan banatuz: Giza eskubideak, lan-arauak, ingurumena eta ustelkeriaren kontrako borroka. Bukatzeko, Global Compact-a aplikatzen duten sektore ezberdinetako hiru enpresa aukeratuko dira eta bakoitza dimentsio bat aztertzeko erabilia izango da, soziala, ekonomikoa eta ingurumenekoa hurrenez hurren. Azkenik, lanean zehar aztertutakoa kontuan hartuta zein ondoriotara iritsi garen adieraziko da.