Aurreko lotailu gurutzatu hausturaren erreadaptazio proposamena futbolean

Proiektu honetan, futbolean jokatzen duten eta Aurreko Lotailu Gurutzatuko haustura jasan duten pertsonentzako erreadaptazio edo ber egokitzapen proposamen bat egin da. Honela, lanaren lehenengo zatia funtsean teorikoa da, baina oso garrantzitsua izango da ondorengo puntu hauek hobetu ulertu ahal izateko eta gaiaren gaur egungo egoeraz jabetzeko: futboleko lesioen duela urte gutxiko edo gaur egungo egoera, lesio horien maiztasun eta kokapena, bai eta lesio horien ezaugarriak. Ondoren, Aurreko Lotailu Gurutzatuan zentratu naiz, lotailu horren ezaugarriak, funtzioak, etab. aipatuz eta gero lotailu horren apurketan arreta jarri dut. Gero apurketa horrendako, diagnostikoa, tratamendua eta errehabilitazioa zein den aztertu eta izendatu dut, egile ezberdinen lanak eta ikerketak kontuan harturik. Azkenik, ber egokitzapen edo erreadaptazio proposamen bat egiten dut, modu praktiko batean, landu beharreko giharren eta eragina duten ahalmen fisiko ezberdinak kontuan hartuz, bai metodo eta ariketa egokiak aukeratzen

Down sindromea duten umeen inklusibitatea eta dantza klasikoaren onurak haiengan

Gai honekiko interesa, aurreko urtean “Jarduera fisiko inklusiboa” irakasgaia hasi genuenean piztu zitzaidan eta lan hau egitea erabakitzearen arrazoia, dantza campus batean monitore moduan bizitako esperientzia izan zen. Bertan, gaixotasun ezberdinak zituzten umeak elkartu ziren gure klubeko umeekin batera lan egiteko eta dantza egiten gozatzen zutena ikusita gozatzen nuen nik ere. Baina bereziki, Down Sindromea (DS) duten umeekin lan egiteko gogoa sortu zitzaidan. Horren geroztik, gaixotasun hau duten pertsonekin lan egiten duten dantza taldeak badaudela aurkitu nuen, baina nire asmoa ez da soilik DS duten umeei dantza egiten irakastea, baizik eta ume hauen eta gaixotasunik ez dutenen arteko elkarlana bultzatzea ere, inklusibitatea hain zuzen, baita dantzak haiengan sortzen dituen onurak aztertzea ere, bai fisiko zein psikologikoki.

Errehabilitazio programen mapa Euskal Autonomi Erkidegoan

Lan honen bidez, Euskal Autonomi Erkidegoko minbizia eta bihotz errehabilitazio programen egoera aztertu da, batez ere, programa horietan jarduera fisikoak betetzen duen papera aztertzeko. Horretarako, hiru lurraldeetako osasun publiko zein pribatuko hainbat erakundeko arduradunekin harremanetan jarri eta galdeketa bat pasa zaie. Galdeketa horren bidez errehabilitazioaren II. eta III. faseari buruz galdetu zaie eta lortu den informazioaren arabera, minbiziaren errehabilitazioaren III. fasea ez da inon burutzen edo gutxienez ez da horri buruzko informaziorik lortu. Bihotz errehabilitazioa, aldiz, hiru lurraldeetan burutzen dela erantzun dute. Erantzuna hori izan arren, gainontzeko galderak aztertuta ondoriozta daiteke, soilik osasun pribatuak ziurta dezakeela pazienteek III. fasea burutzen duela, beraiek gidatu eta kontrolatutako programa bat jarraitzen dutelako. Izan ere, osasun publikoak ez du III. faserako programarik eskaintzen, soilik gomendioak ematen ditu pazienteek beren kabuz egiteko. Gainera, hainbat arrazoi direla eta, batez ere, arrazoi ekonomikoa dela eta, oso pertsona gutxi dira fase hau osasun pribatuaren bidez burutzen dutenak. Beraz, egoera aztertuta eta dauden beharrak ikusita, lan honen bidez errehabilitazio programak eskaintzen dituen erakunde bat sortzeko proposamena egiten da.

Genero ezberdintasunaren ebaluazioa Asti Leku ikastolako DBH eta Batxilergoko Gorputz Hezkuntzan

Egungo gizartean, nahiz eta azken urteetan aurrerapauso handiak egin diren berdintasunerantz, jarduera fisiko eta kirolaren munduan ezberdintasunak daude oraindik ere generoen artean, nesken kalterako. Nelson Mandelak zioenez, hezkuntza mundua aldatzeko erabili daitekeen armarik indartsuena da. Beraz, zerbait aldatu nahian, kasu honetan, gizartean ematen diren genero ezberdintasun hauek ekiditeko, hezkuntzaz baliatzea aukera paregabea da, arrazoi honengatik, hezkuntzan, heziketa fisikoan bereziki, berdintasuna bilatuko da. Eskola, gizartearen ispilua da, eta ondorioz, bertan ere genero arteko ezberdintasun horiek Heziketa Fisikoarekiko nabarmenak dira. Hezkidetza arazo hau Portugaleteko Asti Leku ikastolan agerikoa da: zentro honetako Heziketa Fisikoko klaseetan genero arteko ezberdintasuna nabaria da arlo honekiko ikasleen jarreran, orokorrean nesken jarrera negatiboagoak eraginda. Zer egin daiteke Asti Leku ikastolan ezberdintasun horiek saihesteko? Galdera honi erantzuna bilatu nahian, genero ezberdintasunean garrantzitsuak izan daitezkeen faktore batzuk aztertuko dira, hala nola, ebaluazioa, eskola, ezberdintasun fisikoak, espazioa, irakasleak, ezkutuko curriculuma eta kirol eskaintza. Ondoren, horiek Asti Leku ikastolan zer nolako eragina duten aztertuko da, horrela zentroko DBH eta Batxilergoan Heziketa Fisikoan ematen den hezkidetza arazoari aurre egiteko zein aldaketa egin daitezkeen ondorioztatzeko, hala nola, kirol-eskaintzan, espazioan eta programazioan.

Natura zainduz eta ezagutuz!

Ondorengo orri hauetan, Oiartzungo lurraldean natur jardueren sustapena gauzatzeko proiektu baten azalpena ageri da. Urte hauetako natur jardueren masifikazioa baliatuz eta Oiartzunen aurki ditzakegun paraje naturalak erabiliz, inguruko biztanleriari beraien ondare natural zein kulturala erakusteko asmoz, Oiasso Natur enpresaren eskutik, mendi irteeren eskaintza bat aurkezten da. Bertan, emandako urratsak eta hauen nondik norakoak ikusteko aukera dago. Lurraldearen analisi sakon bat egiteko eta ondorioak ateratzeko egindako bilaketa irakur daiteke ere. Txangoei dagokionez, adin guztientzako txangoak dira eta edonor liluratuta uzteko kapaza diren txangoak ikustarazteko eginak dira.

16-20 urte bitarteko futbol jokalarien errendimendu fisikoa zelaiko postu espezifikoen arabera

Futbolean egoten ari den garapenarekin bat, indibidualizaziorako joera ezartzen ari da futbolean, postu espezifiko bakoitzaren beharren arabera entrenatzaile zein prestatzaile fisikoek entrenamendu prozesuak egokituz. Ikerlan honen helburu nagusia zelaiko postu espezifikoen arteko ezberdintasunak aztertzea izango da azelerazio gaitasunean, trebetasunean, behe gorputz adarreko indar elastiko esplosiboan eta ahalmen aerobikoan denboraldiko bi une ezberdinetan. Horrez gain, jokalariek bi une ezberdinen artean izandako bilakaera aztertuko da. 16-20 urte bitarteko 37 jokalarik parte hartu dute ikerketan, hurrengo postuetan sailkatuz: erdiko atzelariak (EA), hegaleko atzelariak (HA), erdilariak (ERD), hegaleko erdilariak (HEG) eta aurrelariak (AUR). 15m linealeko lasterketa, Barrow test egokitua, kontra mugimenduzko jauzi bertikala beso askeekin eta Yoyo intermittent recovery test Level 1 proba fisikoak burutu ziren aurredenboraldiko lehen astean (T1) eta gabonetako lehiaketa etenaren osteko astean (T2). Jokalariak orokorrean aztertuta trebezian eta ahalmen aerobikoan izan zituzten ezberdintasun adierazgarriak bi proba fisiko aldien artean. Postuen arteko ezberdintasunei dagokionez, azelerazio gaitasunean, trebetasunean eta ahalmen aerobikoan aztertu ziren ezberdintasun adierazgarriak lehenengo proba fisiko aldian. Bigarren proba fisiko aldian berriz soilik trebetasunean aztertu ziren ezberdintasun adierazgarriak postuen artean. Denboraldian zehar izandako bilakaerak ere aztertu dira, postuen artean ezberdintasunik egon gabe proba batean ere ez. Esan beharra dago formazioko adinetan jokalariak postu ezberdinetan jokatu ahal izatea bilatzen dela, hori dela eta, ez dute postu batekiko espezializazioa izango. Interesgarria izan daiteke, formazioko aldi honetatik aurrera prestatzaile fisiko eta entrenatzaileentzat, postu espezifiko bakoitzeko jokalariei entrenamendu espezifikoak ezartzea, postu bakoitzaren behar fisiko zein tekniko-taktiko espezifikoetan hobekuntza nabariagoak izateko helburuarekin.

Busturialdeko euskararen hizkuntza-aldakortasuna denboran eta espazioan

244 p.

Humanism after the Spanish Civil War: Gernika (1945-53), a Humanities and Social Sciencesbasque magazine

Espainiako Gerra Zibilaren eta II. Mundu Gerrarren ostean Gerra Hotza heldu zen. Testuinguru larri horretan humanismoan ikusi zuten hainbatek zibilizazio-krisiari irtenbidea topatzeko bidea. Gernika aldizkariak (1945-53) bere burua humanistatzat zeukan. Bertako idazleek gai horren inguruan zer adierazi zuten jasotzen saiatu gara, euskarazko zein erdarazko artikuluetan agertzen diren iritziak sailkatuz.

Enpresen sorkuntzak eta desegiteak

Lan honen helburua, Espainiako enpresen sorkuntzetan eta desegitetan 2005-2014 bitartean izandako bilakaera aztertzea da. Horretarako Espainiako datuak beste herrialde batzueko datuekin konparatuz erantzuna emango da. Espainiako kasuan sakontzeko sektoreen eta komunitateen azterketa ere egingo da. Konparatzeko, datu kuantitatiboak zein grafikoak analisi kualitatiboekin batera erabiliko dira. Beraz analisi deskriptiboa nagusi izango da.

Evolución y características del sector de las máquinas-Herramientas en España y en el País Vasco

Castellano: La Máquina-herramienta es el bien de equipo por excelencia y en ello radica el origen de la industria moderna tal y como la conocemos. El presente trabajo trata de identificar ideas clave y datos que ayuden a comprender qué es el sector, cuál ha sido su evolución, qué tipo de ayudas recibe y el papel que ocupa en la economía internacional. Además, se plantea cómo evolucionará el sector en un futuro próximo y qué medidas se están tomando para hacerle frente.

Gizarte erantzukizun eta garapen jasangarriaren inguruko ekimenak: Global Compact

[EU]Gradu Amaierako lan honetan, enpresen gizarte erantzukizunak azkenaldian hartu duen garrantzia kontuan hartuta, kontzeptu hau jorratuko da eta eremu honetan burututako ekimen ezberdinen artean bat aukeratuko da, honen garapena eta inplementazioa aztertzeko. Hain zuzen ere, lan honetan erabiliko den ekimena, Munduko Hitzarmena edo Global Compact-a izango da. Hau, nazioarte mailako ekimen bat izanik, 10 printzipio proposatzen ditu, lau eremu ezberdinetan banatuz: Giza eskubideak, lan-arauak, ingurumena eta ustelkeriaren kontrako borroka. Bukatzeko, Global Compact-a aplikatzen duten sektore ezberdinetako hiru enpresa aukeratuko dira eta bakoitza dimentsio bat aztertzeko erabilia izango da, soziala, ekonomikoa eta ingurumenekoa hurrenez hurren. Azkenik, lanean zehar aztertutakoa kontuan hartuta zein ondoriotara iritsi garen adieraziko da.

Air Quality and Europeans' Subjective Well-being

[EN]Happiness economics deals with self-reported subjective well-being, or life satisfaction, and its relationship to a wide variety of other variables. On the study of these other factors, this line of research has helped demonstrate that higher levels of environmental quality increase people’s subjective well-being. This paper focuses on analyzing the relationship between subjective well-being and air quality. On the one hand, the life satisfaction approach to environmental valuation is cautiously described, and on the other hand, the method is implemented in an empirical analysis that seeks to assess how an increase in the level of air pollution at a regional level affects individual-level subjective well-being in Europe. We use a dataset that merges the third wave of the European Social Survey (ESS) with a dataset that includes regional air pollution (including CO, PM10, NO2, SO2 and Benzene) and other regional variables. We find a robust negative impact for CO, a positive impact for SO2, and no conclusive evidence of any effect on subjective well-being for the remaining three pollutants.

Análisis de las estrategias y acciones de marketing en el sector de la moda : el caso de la moda vasca

[ES]Nuestro trabajo consta de dos partes fundamentales, una teórica y otra empírica. En la primera nos centramos en el estudio de los aspectos teóricos más relevantes y específicos del sector de la moda, así como en las estrategias y acciones de marketing que se desarrollan en el mismo. En segundo lugar y como principal aportación del trabajo, se presenta un estudio empírico de tipo cualitativo consistente en la realización y análisis de cuatro entrevistas en profundidad a diferentes expertos del sector en diferentes facetas del mismo, todos ellos profundos conocedores por formación, experiencia profesional, empresarial o política, no solo del sector si no también del marketing. Previamente se realizó un estudio y análisis de sus empresas u organizaciones y de otros aspectos de la moda (especialmente en Euskadi) recurriendo a fuentes de información de carácter secundario.

Bankuen gobernantzaren eragina 2007ko banku krisian: Basileako printzipioak eta adituen iritziak oinarri

[EUS] Gaur egun mundu osoa 2007ko banku krisian murgilduta dabil. Krisiaren sorrera hainbat ikuspuntutik azaldua izan da azken urteotan. “Bankuen gobernantzaren eragina 2007ko banku krisian: basileako printzipioak eta adituen iritziak oinarri” lanak, 2007-ko krisia banku gobernantzak izandako akatsetatik aztertu egiten du. Horretarako, arriskuaren kudeaketan, ordainsari sistemetan edota kontseiluetan krisi aurreko urteetan egondako gertaerak aztertuko dira. Aipatutako azterketa, Basileako printzipioetan eta bai aditu ezberdinen iritsietan oinarriturik egongo da. Hori dela eta, krisi aurretiko garaian indarrean zeuden Basilea I eta Basilea II azalduko dira lehenik eta behin. 2007ko Krisia eta baita banku gobernantzak bertan izandako akatsak aztertuko diren hurrengo esparruak dira. Banku gobernantzaren akatsen artean, arriskuaren kudeaketa, produktu finantzario berriak, ordainsari edo pizgarri sistemak eta kontseilua azalduko dira batez ere, hauek izan baitziren akats larrienak izan zutenak. Behin krisia eta haren faktoreak azalduta, Basilea III azalduko da krisi aurreko printzipioak (Basilea I eta Basilea II) krisi ondoren zelan aldatu diren ikusteko. Azkenik adituek banku gobernantza zelan hobetuko luketeen azalduko da eta gainera, aditu hauen iritsien eta basileako printzipioen aldaketen arteko konparaketa bat egingo da komunean zein ondoriotara hel daitekeen aztertzeko. Banku gobernantzaren akatsak aztertzeaz aparte, adituen ustez banku gobernantza nola hobe daitekeen ere aztertu egingo da arazoari irtenbideak bilatzeko asmoz. Krisiak Basileako printzipioetan eragindako aldaketak ere azalduko dira, banku gobernantzaren arauak zelan aldatu diren ikusteko. Beraz, banku gobernantzak izandako akatsak aztertuko dira. Akats guzti horiek etika aldetik zein eragin izan duten eta batez ere krisialdiaren hasieran izan zuten papera zein izan zen aztertuko da.

Erakunde Berritzaileak: Berrikuntza Estrategiaren Ezarpenerako Proposamenak.ESDORen kasua

[EU]Lan honen helburua gaur egun enpresen munduan berrikuntzak duen garrantzia analizatzea da, gai honek daukan ohiartzuna ezagutzea da. Konkretuki kosmetika sektorean zentratzen da lana, berrikuntzak Espainian dauka gailentasuna aztertzeaz gain, kosmetika sektoreak gai honen inguruan inbertsioak egiten dituen edo ez ikertu nahi da. Horretarako kosmetika sektoreko enpresa bat erabiltzen da adibide gisa, ESDOR COSMETICOS hain zuzen ere. Espainia mailan ezaguna den Grupo Matarromera ardogintza sektoreko enpresaren barnean dagoen produktu linea bat da, baina independenteki jokatzen du eta bere autonomia propioa dauka. Lan honekin, berrikuntzaren garrantzia aztertu nahi da, batez ere honen presentzia kosmetika sektorean. Honetaz gain, Espainiako berrikuntzan zentratzen da lana gehien bat eta lanak hurrengo galderetako batzuei erantzuna aukitzea dauka helburu gisa: Ze berrikuntza mota erabiltzen da gehien bat Espainiako kosmetika sektoreko enpresetan?, Berrikuntza garrantzizkoa da, baina zein puntutaraino? Lehiakortasun maila dela eta nola berritzen dute? Berrikuntza zientifikoa edo marketing arloko berrikuntza da gehien erabilzen dutena? Kontsumitzaileen aldetik nolako erantzuna dago berrikuntza eta produktu kosmetikoekiko?...