Rediseño de la identidad visual corporativa de Sunlight Consultores S.L

[ES] Como proyecto de fin de carrera se ha elaborado el manual de identidad corporativa de la empresa Sunlight Consultores S.L. Es un trabajo práctico funcional, desarrollado para un cliente real.

Elektrokadiografo baten diseinu eta eraikuntza

Sistemen Informatikan Ingeniaritza Teknikoa (S.I.I.T.) karrerako amaierako proiektu honetan “ELEKTROKADIOGRAFO BATEN DISEINU ETA ERAIKUNTZA” aztertzen da. Sarrera gisa proiektuaren nondik-norakoak eta honen helburuak azalduko dira. Bigarren atalean elektrokardiograma (EKG), bere historia eta berarekin zuzenki lotuta dagoen elektrokardiografoa aztertzen dira. Bihotzaren aktibitate elektrikoak, EKG-rekin duen erlazioa azaltzen da eta azken honen atal desberdinak nola interpretatzen diren bihotzeko hainbat gaixotasunen diagnosia egiteko. Hirugarren atalean elektrokardiografoaren diseinu eta inplementazioa garatuko da lau azpiataletan banatuta. Lehenbizikoa, seinale bioelektrikoa eskuratzeko beharrezkoa den zirkuitu analogikoari dagokio. Bigarrena, seinalea mikrokontrolagailu baten bidez digitalizatu eta konputagailura USB bidez transmititzeko beharrezko zirkuitu digitala eta bere firmwareari. Hirugarrena, mikrokontrolagailutik datuak lortzeko Windows eta Linuxerako softwareari eta azkenik web aplikazio bati, gordetako datuak tratatu eta internet bidez aztertu ahal izateko. Ondorioetan lortutako emaitzak aztertuko dira eta elektrokardiografoaren diseinu eta inplementazioa hobetzeko proposamenak egingo dira. Bibliografian proiektua egiteko erabili diren web orrialde eta softwarera estekak zerrendatzen dira. Proiektuan lagundu didaten pertsona guztiei eskerrik beroenak, beraien laguntzarik gabe ezinezkoa izango baitzen hau aurrera eramatea. Azkenik eranskinetan CD bat atxikitzen da non garatu diren aplikazio guztiak, beraien iturburu kodea eta lortutako emaitzen datu fitxategiak dauden.

Potentzia-bihurgailu matrizialen diseinu-prozesurako eta hutsegite-tolerantziarako soluzio berriak

290 p.

Bateria baten egoera kontrolatzen duen txartel komertzial batentzako driverra eta interfaze grafikoa diseinatzea eta garatzea

Eskuartean irakurgai duzu hainbat hilabetetan zehar garatutako proiektua deskribatzen duen memoria. Bateria baten egoera kontrolatzen duen txartel komertzial batentzako driverra eta interfaze grafikoa diseinatzea eta garatzean datza proiektua. Azken finean, programatu beharrekoa serie portutik abiatuta txartel batekin komunikatzeko aplikazioa izan da, eta jasotako datuak interfaze grafiko baten bitartez bistaragarriak bihurtzea. Esan daiteke proiektua bi fase nagusitan antolatu dela. Lehenengoa, USB1 portutik nahi dugun informazioa jaso eta bidaltzeko aukeran oinarritu da. Lehen fase honetan jasotako informazio hexadezimala prozesatzeaz gain, dagozkion balioak erakustea izango da helburua. Bigarren fasea, aurretik jasotako balioak bistaratuko dituen interfaze grafikoari dagokiona da; eta interfaze horrek izango dituen botoiak, informazioa noiz jaso nahi den adierazi ahal izateko.

Makina saltzaile baten diseinu elektronikoa

Nivel educativo: Grado. Duración (en horas): Más de 50 horas

Elikagaien anoen estimazioa hobetzeko programa: diseinu eta aplikazioa

[EUS] Ikerlan honen helburua, elikagaien anoen estimazioa hobetzeko programa baten diseinua eta programa honen aplikazioaren abantailak ebaluatzea izan zen. Emaitzek programaren inplementazioa arrakastatsua izan zela diote batetik eta datu bilketarako entrenamendu programa berrien garapenerako oinarriak eskaini ditzakeela diote bestetik.

Lehiaketako motozikleta baten txasisaren diseinu estrukturala

[EU]Lan honetan lehiaketako motozikleta baten txasisaren diseinu estrukturala egiten da. Zehazki esanda txasisaren aurreko aldea edo motorra inguratzen duena, sub-txasisa eta baskulatzailearekin bat egiten duen txapa kontuan hartu gabe. Lehenik sarreratxo bat egiten da txasisaren ezaugarri ezberdinak, mota ezberdinak azalduz eta zeintzuk diren lortu beharreko helburuak adieraziz. Hauek lortzeak ekarriko dituen onura zientifiko teknikoak zein ekonomikoak zeintzuk diren ere deskribatuko dira. Ondoren lana burutzeko ze metodologia jarraitu den agertzen da hasieratik bukaerara eman beharreko pausuak zeintzuk diren esanez. Gero metodologia hau aplikatuz egin diren diseinu ezberdinak jarriko dira bakoitza bere emaitzekin. Bukatzeko emaitza hauek konparatu eta konklusio batzuk aterako dira zein den diseinu egokiena jakiteko.

Etxebizitzetako barne hormen diseinu berritzailea eraikuntzako kode teknikoaren arabera

[EU]Proiektu honen helburua etxebizitzetako barne hormen dimentsionamendu berritzailearen azterketa bat egitea da, orain arte erabilitako horma klasikoen ezaugarriak mantenduz, diseinu optimoagoa lortzeko asmoa izanda, material kantitatearen murrizketa bat bilatuz. Hau burutzeko diseinatua dagoen igeltsuzko horma bat hartuko da oinarri modura eta honen moldeaketa bat eginez, eta isolatzaile industrial biren arteko konparaketa bat aurrera eroanez, berregite optimo bat sortuko da, beharrezko suaren kontrako ezaugarri mekaniko eta termikoak betetzen dituena.

Polilaktida oinarri duten 3D zelula-euskarri (scaffold) polimeriko biodegradagarrien diseinu, fabrikazio eta propietateak

[EU]Hiru dimentsioko inprimaketa etorkizun handiko teknologia bezala azaltzen zaigu gaur egun. Esate baterako, biomedikuntza arloan aukera berritzaileak ekar ditzake, baina baita hezkuntza, heziketa eta ikerketa munduetan ere. Teknologia berri honen abantailarik nagusiena prototipatze azkarrean datza, eta honi esker, mikro- eta makro- egitura definituak dituzten objektuak diseinatu eta fabrikatu daitezke modu lehiakorrean. Lan honen helburua 3D inprimagailu baten bitartez inprimaturiko polimero biobateragarri eta biodegradagarrietan oinarrituriko ereduen garapen eta fabrikazioan datza. Hala ere, lehenik eta behin, lehengaiak bai fisikoki eta bai termikoki karakterizatu behar dira, ondoren, 3D inprimagailuaren parametroen arteko erlazioa ezarri, eta azkenik, produktu finalaren egitura propietateak eta kalitatea aztertu. Aipaturiko lana aurrera eramateko erabili den materiala polilaktida (PLA) izan da, zeinen erabilera oso zabaldua dagoen medikuntza arloan inplante (torloju, iltze, plaka eta abar) moduan eta ehun ingeniaritzaren munduan.

Polilaktida oinarri duten inplante polimeriko biodegradagarrien diseinu, fabrikazio eta propietateak

[EU]3D inprimaketa gaur egun, biomedikuntzaren garapenerako aukera ezberdinak ematen dituen teknologia iraultzaile gisa aurkezten da; bai medikuntza arloan formazio eta ikerkuntzarako erreminta gisa, baita dispositibo berrien diseinu eta fabrikaziorako. Bere abantailarik aipagarriena prototipaketa azkarra da. Gainera, teknologia honek barne egitura eta forma ezberdineko objektuak fabrikatzea ahalbidetzen du koste lehiakor batean. Lan honen helburua 3D inprimagailuen bidezko prototipoen fabrikazioan zentratzen da, horretarako lehengai bezala polimero biodegradagarri eta biobateragarria erabiliz. Horrez gain, metodo tradizionalarekin konparatuz teknologia honek izan ditzakeen abantailak ere aztertu nahi dira, ez bakarrik alde ekonomikoari edo denborari begira, baita fabrikatutako objektuen propietateei begira ere. Dena dela, horrekin hasi aurretik ezaugarritze fisiko eta termikoa burutu beharko zaie lehengaiei, 3D inprimagailuaren parametroen aukeraketa egokia egiteko eta parametro horien eta amaierako produktuaren kalitate, egitura eta propietateen artean erlazio egokia ezartzeko. Lan hau aurrera eramateko poli(L-laktida)-rekin (PLLA) egingo da lan, bai ehun ingeniaritzan baita hezurren apurketen finkapenerako dispositiboetan oso erabilia izan den polimeroa.

Diseño de sistema de suspensión progresiva Pro-Link

[ES]Mediante este trabajo se va a diseñar un mecanismo para crear un sistema de suspensión progresiva para la suspensión trasera de una motocicleta a partir de un muelle lineal. El muelle introducido en la suspensión será lineal, por lo tanto, tendrá una sola rigidez, constante y la cual delimita el muelle, pero gracias a un mecanismo diseñado especialmente para la suspensión trasera de una moto, se va conseguir que la rigidez varíe. El mecanismo utilizado para este trabajo se llama Pro-Link y la empresa que lo emplea es Honda. Para ello, se creará un esquema del mecanismo en sí y tras un análisis cinemático mediante el programa Creo Parametric, y haciendo varios cambios en el sistema para ajustarlo a la mejor progresividad posible, se obtendrá la gráfica en la que se observará la curva que marca la rigidez progresiva. Esto es, se verá la evolución de la nueva rigidez dependiendo de la oscilación vertical de la rueda. Por otra parte, gracias a un análisis dinámico del mismo programa se conseguirán las reacciones del sistema y se calcularán los elementos auxiliares de éste para el buen funcionamiento del mismo. Finalmente, se creará el diseño del triángulo y un diseño preliminar del basculante mediante el método de elementos finitos del programa.

Lanaren beso robotiko mugikor baten diseinu: programazioa eta muntaia

Proiektu honen helburua, beso robotiko mugikorra diseinatu, programatu eta muntatzea da. Beso robotiko mugikorra oso gailu interesgarria da, beso robotiko eta robot mugikorren gaitasunak robot bakar batean batzen dituelako. Alde batetik, beso robotikoek egiten duten bezala objektuak hartu eta maneiatzeko aukera izango du. Eta bestetik, robot mugikorren moduan sentsore eta eragingailuak erabiliz inguru desberdinetara moldatzeko gaitasuna izango du. Beraz, bi ezaugarri horiek dispositibo bakar batean batzen badira, inguru desberdinetara moldatzeko gaitasuna duen beso robotikoa, zeinek, objektuak hartu, maneiatu edota toki batetik bestera mugitu ditzakeen robota sortu ahal da. Robot hau eraikitzeko MAKEBLOCK teknologia erabiliko da, zeinek, aluminiozko pieza eta osagai elelktronikoez osaturik dago. Horrez gain,osagai elektronikoak programatzeko Arduino software-a eta Arduinorentzako MAKEBLOCK liburutegia erabiliko dira.

Iman iraunkorreko fluxu axialeko sorgailu baten diseinu, kalkulu eta eraikuntza

Lan hau, e-Betez izeneko egitasmo zabalago baten parte da, eta konkretuki e-Betez eolikoa. Egitasmo horrek, dispositibo elektroniko txikiak kargatzeko sistema eoliko baten atal guztiak diseinatzea eta eraikitzea du helburu nagusia: haize turbina, sorgailu elektrikoa, artezketa-erregulazio sistema, eta energiaren fluxua bistaratzeko sistema. Lan honen helburu nagusia, aurreko egitasmoaren barruan kokatuta, haizearen energia erabiliz dispositibo elektroniko txikiak kargatzeko potentzia baxuko sorgailu elektriko baten diseinu, kalkulu eta eraikitzea da. Hasierako beharretatik abiatuta, eta proiektua kokatuta egongo den tokiko haizearen abiadura eta turbinaren dimentsio zehatzak kontuan hartuz, sorgailu elektrikoa eraikitzeko posibilitate ezberdinak ikertu eta aukerarik egokiena hautatzea. Sistemaren diseinua haize abiadura txikian elektrizitatea sortzeko ahalmena duen sorgailura bideratuko da, era horretan transmisio mekanikoa ekidinez. Aurrekoaren ondoren, diseinuan egindako kalkuluetatik abiatuta, prototipo funtzionala eraikiko da: eraikitzeko irtenbide desberdinak aztertu, material egokienak aukeratuz eta prozesu konstruktibo egokiena jorratuz. Bukatzeko, laborategian saiakuntza probak egingo ditugu teorian lortutako datuak eta errealitateko datuen arteko kontrastea egin ahal izateko. Lanaren jarduera, ikerkuntza-eraikuntza binomioan kokatuta egongo da. Prozesu teknologikoaren fase desberdinei jarraituz, hasierako arazoaren planteamendutik abiatzen da, ondoren informazio iturri ezberdinak erabiliz ikerkuntza lana burutu. Jarraian, balizko irtenbide guztiak aztertu ondoren, bat hautatu eta honen diseinua egin. Bukatzeko prototipoa eraiki eta honen ebaluazioa eginez ondorioak atera.

Bideratze arazoen ebazpenerako aplikatutako algoritmo metaheuristikoen diseinu, inplementazio eta konparaketa.

[EU]Proiektu honen helburua sare ezberdinetan algoritmo metaheuristikoen erabileraren bitartez bideratze arazoak ebaztea eta aztertzea da. Helburu honetarako erabiliko diren algoritmoak Coral Reefs Optimization eta Firefly Algorithm dira. Bi algoritmoak Python erabiliz inplementatuko dira, baita sareak simulatzen dituen programa ere. Modu honetan, algoritmo bakoitzaren gaitasuna aztertuko da sareko bi punturen arteko bide bideragarri bat, zeinek ezarritako murrizketak betetzen dituen, aurkitzeko; prozesu hau ausaz sortutako simulatutako sare batean oinarrituz garatuko da. Honen bitartez, arazo honen ebazpenerako algoritmo bakoitza egokia den eta bietariko zein den egokiena ondorioztatu ahalko da.

Arduino plataforman oinarritutako indoor mikrobot esploratzaile baten diseinu eta eraikuntza

Arduino plataforma erabiliaz, hiru funtzio betetzen dituen barne errobot esploratzaile bat sortu da. Funtzioak honakoak dira; oztopoak gainditzen dituen errobot mugikorra, urrunetik gidatutako errobota eta barne lokalizazio sistema.