Sormena bost urtko gelan. Musika, mugimendua eta jolasa.

Ez da arraroa, egungo eskolan, nolabaiteko aukera eza aurkitzea Haur Hezkuntzako haurraren sormena garatzeko. Aukera eza honi erantzuna emateko asmoz sortu da proiektu hau. Hiru bitarteko nagusi uztartzea proposatzen da: alde batetik, musika, sormenaren garapenerako aukera anitz eskaintzen dituelako; bestetik, mugimendua, haurraren garapenen fisiko eta kognitiboan berebiziko garrantzia duen funtzioa; eta, azkenik, jolasa elementu integratzaile bezala, gizakiok haurtzaroan dugun oinarrizko jarduera. Ondoren proposatzen diren jolasak zehazki sortuak, aukeratuak eta moldatuak izan dira sormena era ludikoan garatzeko. Barakaldoko Alkartu Ikastola Publikoan praktikan jarri eta gero, esan dezakegu haurrek ia mugarik gabeko sormena garatu dezaketela, irakasleak bitarteko egokiak eskura jartzen badizkie.

Arteen bidezko sormena ikuspegi interdiziplinarrean

EUSKERA: Lan honen helburua eskolan arteen bidezko sormena sustatzea izango da, ikuspegi interdiziplinar batean. Horretarako, ikasleen ezagutzaren bereganatzeaz gain horien espiritu kritikoa eta ekintzailea piztuko duen proiektu bat proposatuko da, haien sormena garatzea xede nagusitzat izango duena. Berebiziko garrantzia dauka hezkuntzan haien kabuz pentsatzeko pertsonak eratzeak, eta edukien gainetik nortasuna garatzera zuzendutako metodologiak diseinatzeak. Izan ere, horrela bakarrik lortuko dugu gizarte honek zein etorkizunekoek aurkezten dizkiguten eguneroko erronkei aurre egitea.

Sormena eta adimen emozionala hezkuntzan

[eus] Azken hamarkadetan egon diren aldaketak direla eta, gaur egungo gizarteak, pertsona sortzaileak eskatzen ditu, beraz, oraingo erronkei erantzuten dien hezkuntza baten beharrean gaude. Honetarako, pertsonen interes eta trebetasunetatik abiatzen den hezkuntza behar dugu, sormenari eta adimen emozionalari lekua uzten dion hezkuntza, hain zuzen ere. Hau lortzeko, lehenik eta behin gure inguruko zentroen egoera aztertu eta beste motatako esparruetara jo da, hauen ezaugarriak, zailtasunak eta aukerak ezagutzeko asmoz. Aipatutako bi gaitasun hauek pertsonengan duten garrantzia ikusita eta zenbait lekutan nola lantzen dituzten aztertu ostean, emaitzak jasoko dira gure inguruko zentroetan, sormena eta adimen emozionala bultzatzen duen metodologia baten ezaugarriak eskeintzeko. Aipatuko diren, jarduera motak eta irakasleen papera Hezkuntza Sortzailea oinarritzat izango dute, pertsona guztien berezitasunak, interesak eta trebetasunak kontuan hartzen dituen hezkuntza izanik.

Ikasleak irakurzaletzen ahotsa, sentimendua eta sormena erabiliz. 'A la lectura por la voz, el sentimiento y la creatividad'.

Resumen tomado de la web del Departamento de Educación

Gizartearen aldeko jokabidea, garapen emozionala eta haurren sormena bultzatzeko jolas programak.'Programas lúdicos para el impulso del desarrollo de la conducta prosocial, desarrollo emocional y creatividad infantil'.

Resumen tomado de la publicación

Artea ikasbide: mendiekin abesten

LABURPENA: Lan honek, hezkuntzan sormenak eta musikak duen garrantzia aztertuz eta hauek gelan lantzeak duen abantaila adieraziz, Haur Hezkuntzako gela batean praktikan jarri daitekeen lan proiektua sortzea du helburu. Honez gain, herri kantak zer diren eta lantzearen garrantzia aipatuz, mendizaleen orkestra izendatutako proposamena sortu da, musika, artea eta ingurune hurbila ezagutzeko asmoekin.

Problemen Ebazpena Lehen Hezkuntzan

Lan honen helburua, EAE-ko curriculuma oinarritzat hartuz, Lehen Hezkuntzako testuliburuetan sormena eta intuizioa garatzen diren problemak lantzen diren, aztertu eta analizatzea da. Horrez gain, testuliburuan atal honetan gabeziak dituzten haur talde batean, mota hauetako problemak praktikan jarriko dira, beraien jarrera eta erantzuna aztertuz.

Graduko konpetentziak era autonomo batean lantzeko marketineko blog baten eraketa

[EU]Lana hasi baino lehen argi neukan interneti buruzkoa egin nahi nuela, gainera blog desberdinetan idatzi izan dut 2008. urtetik eta ikasle autodidakta naiz betidanik, horrela nire esperientzia hori marketinera bideratzea nahi nuen hasiera batetik. Beraz, gaur egun internet duen garrantzia goraipatu dut lan osoan zehar, bai ikuspegi akademiko batetatik zein profesional batetatik. Hasiera batean, gaur egun erabiltzen diren ikasteko modu desberdinei buruz hitz egiten hasi nahiz, batez ere Bolonia Planaren ostean garatutakoak hala nola, ikasketa parte hartzailea, learning by doing, etab. Gero autodidakta izateari buruz idazten hasi nintzen, zer den, bere abantailak, desabantailak eta unibertsitateak autodidakta izateko dituen mugei buruz. Ondoren, marketinari buruz ikertzen hasi naiz, batez ere honek 2.0 munduarekin duen garrantzia erakusteko eta munduaren eboluzioarekin batera, marketina ikusteko beste modu bat garatu zelako. Eta marketinean gero eta garrantzi gehiago duten erremintak blogak direnez, hauei buruz idaztea pentsatu nuen, zer diren eta ikuspegi akademiko batetatik izango luketen garrantzia ikusiz. Amaitzeko, lanari ukitu pertsonal bat eman nahi izan nion. Horretarako, Sarrikoko ikasleen erantzuna jakitea oso garrantzitsua zela pentsatu nuen, eta horretarako 3 motatako inkestak garatu nituen, 1etik 10era puntuatzekoa, 1etik 7ra ordenatzekoa eta galdetegi ireki bat ikasleek zer uste zuten graduko konpetentziak era autonomo batean lantzeko marketineko blog baten eraketari buruz.

Joko Sortzailea haur hezkuntzan: DBH-ko Marrazketa Teknikoko ikasleek, prozesu sortzailearen bidez sortutako Haur Hezkuntzarako jokoa

[eus] Lan honen ikerkuntza gaia sormena da. Ibilbide honetan, sormena ardatz eta oinarri hartuz, DBH-ko Marrazketa Teknikoko ikasleek Haur Hezkuntzako umeentzat bideratutako Formak jokoa asmatu dute. Bi erronka nagusi izan ditu lan honek: alde batetik, DBH-ko ikasleekin batera, aholkulari lanak eginez, jokoa eraikitzeko prozesu sortzaile bat aurrera eramatea. Bestetik, HH-ko umeentzat joko sortzaile bat formulatzea. Joko honen helburu nagusiena pertsona guztiengan existitzen den sormen gaitasuna bultzatzea, sustatzea eta garatzea izan delarik. Bidean azaldu diren erronkei aurre egin eta konponbidea topatzerako orduan, egilearen Haur zein Bigarren hezkuntzako hezitzaile perfil bikoitza ezinbesteko tresna izan da. Ikuspuntu bikoitz honek, sormenaren txertatzea hezkuntzako fase bakoitzari egokitzea ahalbidetu du, hezkuntza prozesu globala dela argi izanik.

Matematika eta Artea: Cosmología acrobática - Daniel Tamayo

[EUS] Haur Hezkuntzan beharrezkoa da ikasketa prozesuari zentzua ematea, bereziki abstraktuagoak diren edukiei. Historian zehar izan duten loturagatik aproposa gerta daiteke matematika arte munduarekin eta arte munduko hainbat kontzeptuekin lotzea. Lotura honetaz baliatuz, ikasleek, sentimenduak, sormena eta nozio estetikoak landuko dituzte matematikako, bereziki geometriako edukiak barneratzen dituzten bitartean. Azaltzen den proiektua, 5 urteko gelan gauzatu da, hurbiletik-urrunera kontzeptua praktikan jarriz, ohiko objektuetatik hasi eta Tamayoren“Cosmología acrobática” obran bukatuz, 3 dimentsiotik, 2 dimentsiora.

Sormenaren eragina gizartean, Mikel Laboa eredu

386 p.