2 resultados para Tamar estuary
em Georgian Library Association, Georgia
Resumo:
საქართველოში განხორციელებული განათლების სისტემის რეფორმის ვექტორის ხშირმა ცვლამ გაზარდა სკოლების ცენტრალიზაციის პროცესი. ბოლო ორი წლის განმავლობაში ზოგადი განათლების შესახებ კანონში შევიდა ცვლილებები, რომლის შედეგად გაძლიერდა განათლებისა და მეცნიერების სამინისტროს როლი სკოლის მართვის პროცესში. მინისტრის მიერ გამოცემულმა ბრძანებებმა , დირექტორის სტანდარტის, მასწავლებლისა და მოსწავლის ეთიკის სტანდარტის დამტკიცებამ , 2010 წლის აგვისტო- სექტემბერში საქართველოს საჯარო სკოლებმა განაახლეს სკოლის შინაგანაწესი. სკოლის შინაგანაწესებმა ასახა სისტემის მართვაში შესული ცვლილებები. რამაც საბოლოო ჯამში ნულოვანი ტოლერანტობის ტენდენციების გაძლიერებას შეუწყო ხელი. სკოლის დისციპლინური მართვის პროცედურები გაძლიერდა, სკოლის შინაგანაწესებმა განსაზღვრა ხისტი სადამსჯელო ზომები დისციპლინურ გადაცდომებთან დაკავშირებით, თუმცა დისციპლინური გადაცდომების ზუსტი აღწერა შემუშავებულ შინაგანაწესებში არ ჩანს. ამ ნაშრომში შესწავლილია საქართველოს საჯარო სკოლის შინაგანაწესები, რომლითაც განისაზღვრება სკოლის მართვის სტილი და კონტროლის მექანიზმები. ნაშრომში ნაჩვენებია განათლების პოლიტიკის სიტემური, კერძოდ დისციპლინური მართვის სისტემის რეფორმირების საჭიროება.
Resumo:
ღრმა და ყოვლისმომცველი თავისუფალი სავაჭრო სივრცის (DCFTA) შესახებ მიმდინარე მოლაპარაკებები ევროკავშირისა და საქართველოს ურთიერთობების დღევანდელი დღის წესრიგის მნიშვნელოვან საკითხს წარმოადგენს. DCFTA-თან დაკავშირებული პოლიტიკური დიალოგი საქართველოს მთავრობასა და ევროკომისიას შორის 2008 წლის აგვისტოს ომის შემდეგ მალევე დაიწყო იმ მიზნით, რომ DCFTA-ის შესახებ ოფიციალური მოლაპარაკებები ევროკავშირის მიერ საქართველოსთვის წინაპირობად წაყენებული სტრუქტურული და პოლიტიკური რეფორმების გატარების შემდეგ გაიხსნებოდა. 2010 წლის დასაწყისში ოფიციალური თბილისი ამტკიცებდა, რომ ევროკომისიის წინაპირობების დაკმაყოფილების თვალსაზრისით ქვეყანამ მნიშვნელოვან პროგრესს მიაღწია. თუმცა, ევროკომისიამ ოფიციალური მოლაპარაკებების დაწყება 2012 წლის იანვრისათვის მაინც გადადო და DCFTA საქართველოსთან მომავალი ასოცირების შეთანხმების (რომელიც თავის მხრივ, დიდი მიზნების მქონე, ამბიციურ და მაშასადამე, მოცულობით დოკუმენტს წარმოადგენს) განუყოფელ ნაწილად გამოაცხადა.
