Natura zainduz eta ezagutuz!

Ondorengo orri hauetan, Oiartzungo lurraldean natur jardueren sustapena gauzatzeko proiektu baten azalpena ageri da. Urte hauetako natur jardueren masifikazioa baliatuz eta Oiartzunen aurki ditzakegun paraje naturalak erabiliz, inguruko biztanleriari beraien ondare natural zein kulturala erakusteko asmoz, Oiasso Natur enpresaren eskutik, mendi irteeren eskaintza bat aurkezten da. Bertan, emandako urratsak eta hauen nondik norakoak ikusteko aukera dago. Lurraldearen analisi sakon bat egiteko eta ondorioak ateratzeko egindako bilaketa irakur daiteke ere. Txangoei dagokionez, adin guztientzako txangoak dira eta edonor liluratuta uzteko kapaza diren txangoak ikustarazteko eginak dira.

Olabide Ikastolako heziketa fisikoaren azterketa pedagogikoa. 2014/2015 Ikasturtea

2014/2015 ikasturteko Olabide Ikastolako azterketa pedagokioan eta heziketa fisikoaren arloan batez ere zentratzen den ikerlan bat da. Zuzeneko behaketa, elkarrizketa eta esperientziaren bitartez eta lehenik eta behin zentroaren bare planifikazioa ezagututa, heziketa fisikoaren jarduera eta edukien azterketa eta hauen ebaluatzeko erabiltzen den sistema ezagutuko dugu.

Zaztaparrak Asti Taldearen 2016-2020 denboraldiko planifikazio estrategikoa

Azken urteetan, Zaztaparrak asti taldea Arratia eta Zeberio lurraldeetako aisialdian liderra bilakatu da, izan ere, arlo honi dagozkion lan-esparru gehienetan (udalekuak, ludotekak, gazte espazio ezberdinak…) indar gehien duen elkartea da. Egoera honek, helburu berriak amestea ahalbidetu dio elkarteari eta, horrela, asmo handiko proiektuak aurrera eramateko aukera sortu da. Horretarako, txosten honen bitartez, Zaztaparrak asti taldearen plan estrategikoa aurkezten da, hurrengo urteetan izan beharreko jokabidea eta programazioa aurkezten duena alegia. Plan honen bitartez, jarduera fisikoaren promozioa helburu izanik, elkarteak, aisialdi aktiboago bat bultzatzen du. Helburu honek, turismo aktiboaren esparruko enpresekin komunikazio kanalak osatzea bilatzen du eta horrela, eskaintza aktibo horren parte bilakatzera eramango du. Horretaz guztiaz gainera, bere ekintza eremua Euskal Herri osora zabaltzea bilatzen du, izan ere, elkartea sortzerakoan Arratiako bailaran zeuden beharrak gure herrialdeko beste hainbat txokotan ere aurkitzen dira eta, horrela, Zaztaparrak asti taldeak aisialdi elkarte ezberdinen elkarlana koordinatzea du helburu. Hala, jarraian, elkarteak eman nahi duen salto kualitatibo hau bideratuko duen plan estrategikoa aurkezten da.

16-20 urte bitarteko futbol jokalarien errendimendu fisikoa zelaiko postu espezifikoen arabera

Futbolean egoten ari den garapenarekin bat, indibidualizaziorako joera ezartzen ari da futbolean, postu espezifiko bakoitzaren beharren arabera entrenatzaile zein prestatzaile fisikoek entrenamendu prozesuak egokituz. Ikerlan honen helburu nagusia zelaiko postu espezifikoen arteko ezberdintasunak aztertzea izango da azelerazio gaitasunean, trebetasunean, behe gorputz adarreko indar elastiko esplosiboan eta ahalmen aerobikoan denboraldiko bi une ezberdinetan. Horrez gain, jokalariek bi une ezberdinen artean izandako bilakaera aztertuko da. 16-20 urte bitarteko 37 jokalarik parte hartu dute ikerketan, hurrengo postuetan sailkatuz: erdiko atzelariak (EA), hegaleko atzelariak (HA), erdilariak (ERD), hegaleko erdilariak (HEG) eta aurrelariak (AUR). 15m linealeko lasterketa, Barrow test egokitua, kontra mugimenduzko jauzi bertikala beso askeekin eta Yoyo intermittent recovery test Level 1 proba fisikoak burutu ziren aurredenboraldiko lehen astean (T1) eta gabonetako lehiaketa etenaren osteko astean (T2). Jokalariak orokorrean aztertuta trebezian eta ahalmen aerobikoan izan zituzten ezberdintasun adierazgarriak bi proba fisiko aldien artean. Postuen arteko ezberdintasunei dagokionez, azelerazio gaitasunean, trebetasunean eta ahalmen aerobikoan aztertu ziren ezberdintasun adierazgarriak lehenengo proba fisiko aldian. Bigarren proba fisiko aldian berriz soilik trebetasunean aztertu ziren ezberdintasun adierazgarriak postuen artean. Denboraldian zehar izandako bilakaerak ere aztertu dira, postuen artean ezberdintasunik egon gabe proba batean ere ez. Esan beharra dago formazioko adinetan jokalariak postu ezberdinetan jokatu ahal izatea bilatzen dela, hori dela eta, ez dute postu batekiko espezializazioa izango. Interesgarria izan daiteke, formazioko aldi honetatik aurrera prestatzaile fisiko eta entrenatzaileentzat, postu espezifiko bakoitzeko jokalariei entrenamendu espezifikoak ezartzea, postu bakoitzaren behar fisiko zein tekniko-taktiko espezifikoetan hobekuntza nabariagoak izateko helburuarekin.

Kapital sozialaren garrantzia familia enpresetan

[EU]Kapital sozialaren ikuspegian oinarriturik eta kotizatu gabeko 172 familiaenpresa espainiarren lagin bat erabiliz, barne hartuz enpresan kudeaketa-funtzioak betetzen dituzten pertsona elkarrizketatu bi eta guztira 344 galdetegi izanik, uste dugu kapital sozial familiarrak bitartekari gisa balio duela kapital sozial ez-familiarraren eta enpresaren jardueraren artean. Gainera, gure emaitzek kapital sozialaren ulermena familia-enpresatik haratago hedatzen dute, erakundeek talde sozial nagusi baten presentzia ezaugarritzat duten testuinguru batean.

Enpresen gizarte erantzukizuna eta honen komunikazioa: Espainiako herrialdean GRI txostenen erabilpenaren azterketa

[EU] Lan honen jorrapenarekin enpresen erantzukizun sozialaren definizioa finkatzeaz gain, honi lotutako funtseko hainbat puntu argitzea izan da nire nahia. Gizarte erantzukizun honen aplikazioak enpresengan ez du beti garrantzi berdina izan, horregatik izandako eboluzioaren jarraipena burutu da, historian zehar jasandako etapa desberdinak antzemanez. Eboluzio iraunkor horren errudunaren bila ere aritu naiz, maila internazionalean hedapen maila handiena izan duten ekimenen garapena ikertuz; horien artean: Munduko Ituna, ISO eta “Global Reporting Initiative” (GRI). Ikerketan gizarte erantzukizun mundu honetan komunikazioak izan duen garrantzia ikusi da eta hau dela medio, GRI erakundeak argitaratutako giden azterketa egitea ere ezinbestekoa izan da. Ekimen honen lanketan Espainia gainerako herrialdeengandik bereizten dela nabarituz, eragin esanguratsu hori sorrarazi duten arrazoien bila ere aritu naiz lanean zehar. Horretarako lehenbizi Espainiako enpresen erantzukizunaren garapena aztertu da; alde praktikoari dagokionez, ordea, herrialde horretan zerbitzuen sektorean diharduten bi enpresek argitaratutako jasangarritasun txostena eredu moduan hartuz bien arteko konparaketa bat eraman da aurrera. Lanari amaiera emateko aurrez aipatutako ikerkuntza guztietatik ateratako ondorio orokorren aipamena egiten da, kalitatezko gizarte erantzukizunaren garapenerako beharrezkoa dena azpimarratuz.

Gizarte erantzukizun eta garapen jasangarriaren inguruko ekimenak: Global Compact

[EU]Gradu Amaierako lan honetan, enpresen gizarte erantzukizunak azkenaldian hartu duen garrantzia kontuan hartuta, kontzeptu hau jorratuko da eta eremu honetan burututako ekimen ezberdinen artean bat aukeratuko da, honen garapena eta inplementazioa aztertzeko. Hain zuzen ere, lan honetan erabiliko den ekimena, Munduko Hitzarmena edo Global Compact-a izango da. Hau, nazioarte mailako ekimen bat izanik, 10 printzipio proposatzen ditu, lau eremu ezberdinetan banatuz: Giza eskubideak, lan-arauak, ingurumena eta ustelkeriaren kontrako borroka. Bukatzeko, Global Compact-a aplikatzen duten sektore ezberdinetako hiru enpresa aukeratuko dira eta bakoitza dimentsio bat aztertzeko erabilia izango da, soziala, ekonomikoa eta ingurumenekoa hurrenez hurren. Azkenik, lanean zehar aztertutakoa kontuan hartuta zein ondoriotara iritsi garen adieraziko da.

Neuromarketinaren aplikazioak. Ikerketa teoriko praktikoa.

Egun merkaturatzen diren produktu askok porrot egiten dute, hainbat eta hainbat enpresek ez baitute ezagutzen erosketa portaeraren atzean ezkutatzen diren arrazoiak, edota euren ustea ez delako egokia. Proiektu honetan zehar jokabide horiek aztertzen dira pertsonen alde arrazionala eta irrazionala desberdinduz, bakoitzak gugan duen eragina argi utziz. Are gehiago, irrazionaltasunera iristeko egin behar dutena komentatu dut, arrakasta handia duten enpresen adibideak eskainiz ulerterrazagoa egiteko. Marka eta beste zenbait elementuren erabilpen oparoak suposa ditzakeen abantailak ere islatu ditut, bai zentzumenetan eragiteko bai emozioak sortzeko bezeroengan. Azken finean paradigma berria denaren nondik norakoak agertzen dira orrialde hauetan zehar, bezeroak erakarri ahal izateko gakoa non dagoen jakiteko, produktuari garrantzi gutxiago emanez eta psikologia eta neurozientziak erabiliz marketin teknika berriak aurrera eramateko. Gaian adituak direnak irakurtzeaz gain, ideien barneraketa erraztearren eta kontzeptuak argi izateko ekarpen propioa egin nahi izan dut. Hala, esperimentu bat egitea bururatu zait egun oso entzunak diren bi produktu antzekoak diren beste birekin konparatuz. Praktika honi esker atera ditudan ondorioak neuromarketina hurbilagotik konprenitzea baimendu didate, ekintza guztiz positiboa.

Omnikanalitatea marka eta kontsumitzaileen arteko loturaren oinarri gisa: elikagai eta moda sektoreak

Lan honetan, marketinean eman diren azkeneko aldaketak direla eta Omnikanalitatearen ingurune berrira egokitzeko enpresen beharra adierazten da, gai honen garapena burutzeko marko teoriko bat sortuz. Marko teoriko honetan, marka-esperientzia, kontsumitzaileen lotura eta kontsumitzaile berrien portaera aipatzen dira, bakoitzaren alderik garrantzitsuenen azalpena emanez eta aldagai hauek Omnikanalitatearekin duten lotura adieraziz. Gainera, lanaren azkeneko zatian, bi ikerketa praktiko garatu dira; bat kontsumitzaileen ikuspuntua zehaztuz bi enpresa garrantzitsuren kontsumitzaileei galdeketa eginez eta bigarrena, gaian aditua denarekin izandako elkarrizketaren ikuspuntua adieraziz. Azkenik, aztertu diren aldagaiak kontuan hartuta eta bateratuta, lanaren ondorioak atera dira.

Gipuzkoako udalen finantza kaudimenaren rankinga ratio aipagarrienen analisiaren arabera

[EU]Lan honen helburu nagusia,Gipuzkoako udalen finantza kaudimena aztertzeaz gain, beraien arteko konparaketa bat egin ahal izatea zen. Beste modu batera esanda,egoera hobeagoan dauden udalak nortzuk diren identifikatu ahal izatea. Hasi aurretik bagenekien, ordea, udal baten finantza kaudimena ez dagoela faktore bat edo biren arabera soilik, eta gauza asko subjektiboak direla ere bai. Gainera, eragina duten baldintza guztiak kontuan hartzea ere zaila da. Kasu honetan, 9-10 adierazle aukeratu dira, ondoren udal bakoitzak besteekin konparatuz adierazle horretan lortutako zenbatekoa 1etik 10erako puntuazio batekin baloratu da, eta azkenik, udaletxe guztien ranking bat osatu da. Ondorengo lerroetan ikus daiteke ranking honen testuingurua,erabilitako metodologia eta egindako kalkuluen ondorio nagusiak ere.

Membrane activities of Dynamin-related protein 1 (DRP1) and BCL2-related Ovarian Killer (BOK)

311 p.

Aireportuen arteko lotura bide laburreneko zuhaitzaren bidez

Lan honetan sareen eredu ezberdinak aztertuko dira eta hauei soluzio bat emateko problema ezberdinak erabiliko dira. Alde batetik, fluxu maximoko problema eta kostu minimoko problema zehaztuko dira, geroago bide laburreneko zuhaitza lortzeko asmoz. Beste alde batetik, Dijkstraren algoritmoaren efizientzia aztertuko da. Guzti hau praktikoki aztertzeko Iberiar Penintsulako zenbait aireporturen arteko distantziak ematen dituen sare eredu baten bitartez egingo da.

Análisis de las estrategias y acciones de marketing en el sector de la moda : el caso de la moda vasca

[ES]Nuestro trabajo consta de dos partes fundamentales, una teórica y otra empírica. En la primera nos centramos en el estudio de los aspectos teóricos más relevantes y específicos del sector de la moda, así como en las estrategias y acciones de marketing que se desarrollan en el mismo. En segundo lugar y como principal aportación del trabajo, se presenta un estudio empírico de tipo cualitativo consistente en la realización y análisis de cuatro entrevistas en profundidad a diferentes expertos del sector en diferentes facetas del mismo, todos ellos profundos conocedores por formación, experiencia profesional, empresarial o política, no solo del sector si no también del marketing. Previamente se realizó un estudio y análisis de sus empresas u organizaciones y de otros aspectos de la moda (especialmente en Euskadi) recurriendo a fuentes de información de carácter secundario.

Bankuen gobernantzaren eragina 2007ko banku krisian: Basileako printzipioak eta adituen iritziak oinarri

[EUS] Gaur egun mundu osoa 2007ko banku krisian murgilduta dabil. Krisiaren sorrera hainbat ikuspuntutik azaldua izan da azken urteotan. “Bankuen gobernantzaren eragina 2007ko banku krisian: basileako printzipioak eta adituen iritziak oinarri” lanak, 2007-ko krisia banku gobernantzak izandako akatsetatik aztertu egiten du. Horretarako, arriskuaren kudeaketan, ordainsari sistemetan edota kontseiluetan krisi aurreko urteetan egondako gertaerak aztertuko dira. Aipatutako azterketa, Basileako printzipioetan eta bai aditu ezberdinen iritsietan oinarriturik egongo da. Hori dela eta, krisi aurretiko garaian indarrean zeuden Basilea I eta Basilea II azalduko dira lehenik eta behin. 2007ko Krisia eta baita banku gobernantzak bertan izandako akatsak aztertuko diren hurrengo esparruak dira. Banku gobernantzaren akatsen artean, arriskuaren kudeaketa, produktu finantzario berriak, ordainsari edo pizgarri sistemak eta kontseilua azalduko dira batez ere, hauek izan baitziren akats larrienak izan zutenak. Behin krisia eta haren faktoreak azalduta, Basilea III azalduko da krisi aurreko printzipioak (Basilea I eta Basilea II) krisi ondoren zelan aldatu diren ikusteko. Azkenik adituek banku gobernantza zelan hobetuko luketeen azalduko da eta gainera, aditu hauen iritsien eta basileako printzipioen aldaketen arteko konparaketa bat egingo da komunean zein ondoriotara hel daitekeen aztertzeko. Banku gobernantzaren akatsak aztertzeaz aparte, adituen ustez banku gobernantza nola hobe daitekeen ere aztertu egingo da arazoari irtenbideak bilatzeko asmoz. Krisiak Basileako printzipioetan eragindako aldaketak ere azalduko dira, banku gobernantzaren arauak zelan aldatu diren ikusteko. Beraz, banku gobernantzak izandako akatsak aztertuko dira. Akats guzti horiek etika aldetik zein eragin izan duten eta batez ere krisialdiaren hasieran izan zuten papera zein izan zen aztertuko da.

Enplegua eta Lan Harremanen aldaketak XXI.mendean.

[EU] Gradu amaierako lan honetan, XXI.mendeko Lan Erreforma adierazgarrienak kronologikoki erakusten dira, hauetako bakoitzean, hurrengo lau aldagai hauen analisiaren bitartez, hain zuzen, kontratazioak eta enplegua, langabezia, pentsioak eta negoziazio kolektiboa. Gainera, ELA, LAB, CCOO eta UGT sindikatuei elkarrizketa bat burutu zaie, erreformei buruzko iritzia jaso eta kolektibo bakoitzaren ezinegonak eta parekotasunak ezagutzeko helburuarekin. Era honetan, analisi zehatz honen bidez, XXI.mendean zehar enpleguan eta lan harremanetan emandako aldaketak islatzea da funtsezko xedea.