Etorkinen seme-alaben jatorrizko hizkuntzen trataera eskolan

LABURPENA: EAEko hezkuntza sistemak gero eta ikasle etorkin kopuru handiagoa du. Horrek ikasgeletan hizkuntz aniztasuna sortzen du, ezinezkoa bihurtuz irakasleek ume guztien ama hizkuntza jakitea. Egoera berri horren aurrean, lan honen helburua da jatorri etorkina duten ikasleen ama hizkuntzei eskolan ematen zaien trataera ezagutzea. Asmo horrekin, adituek eskolako hizkuntzaren ikaskuntza prozesuan umeen ama hizkuntzek duten garrantziaz diotena aztertu dugu eta, ondoren, etorkin kopuru handia duen eskola publiko batean murgildu gara errealitate hori ikertzeko. Azterketa-lanean lorturiko emaitzak ikusita, ez du ematen ikastetxe horretan jarraitzen ari diren hezkuntza elebiduna modu egokiena denik egoera berriari erantzuteko eta badirudi interesgarria izan daitekeela antolakuntza, metodologia eta estrategia berritzaileetan pentsatzea.

Espainiako etorkinen okupazio tasaren analisia

Lan honen helburua 2011 urteko Espainiako etorkinen okupazio-tasa aztertzea izango da, INE-ren orrialdetik lortutako 2011ko biztanleriaren erroldak ematen duen informazioan oinarrituta. Historikoki Espainia emigrazio herrialdea izan den arren, 2000 urtetik aurrera etorkinen gorakada nabarmen bat eman da, arrazoi geografiko, ekonomiko eta linguistikoen ondorioz. Beraz, lanean zehar etorkinen arteko ezberdintasunak azalduko dira, beraien sexuaren, hezkuntza mailaren, jatorri herrialdearen edo Espainiako bizilekuaren arabera, beti ere gogoratuz okupazio-tasa dela lanaren ardatz nagusia. EUSKERA.