Marci Fabii Quintiliani institutionum oratoriarum libri duodecim : praemittitur illius ad Tryphonem epistola ; conjecta verò sunt ad marginem scholia. — Hujusce codicis initio haec leguntur : Ex Nicolai Fabri, viri singulari pietate simul et doctrina praediti, mihi arctissima triginta quinque annorum amicitia conjunctissimi, dono : Ego Jacobus Augustus Thuanus scripsi anno 1610. ad calcem verò haec reperias : Laurentius Valla hunc codicem sibi emendavit ipse anno 1444. mense Decembri, die nono.

Colbertinus

1.° M. Annaei Lucani Pharsalia, sive de bello civili libri decem : ad primi marginem conjecta sunt scholia. — 2.° Anicii Manlii Severini Boëtii de consolatione philosophiae libri quinque.

Colbertinus, antea Jacobi Augusti Thuani

1.° M. Annaei Lucani Pharsalia, sive de bello civili libri decem : ad marginem conjecta sunt in librum primum, et secundi partem scholia ab editis diversa. — 2.° Papinii Statii Achilleïdos libri quinque : conjecta sunt ad marginem libri primi scholia ab illis, quae Lactantii Placidii nomen prae se ferunt, diversa. — 3.° Moretum, quod carmen Virgilio tribuitur.

Colbertinus

1.° A. Persii Flacci satyrae sex. — 2.° Ovidii liber de remedio amoris, cum scholiis. — 3.° Aesopi fabulae latinis elegis ab Avieno conscriptae : conjecta ad marginem scholia. — 4.° Britonum brevis chronologia. — 5.° Q. Sereni carmen heroïcum de praecipuorum corporis humani morborum curatione : finis desideratur. — 6.° Vita sancti Bernardi : authore anonymo. — 7.° Anonymi tractatus de computo. — 8.° Glossae veteres. — 9.° M. T. Ciceronis rhetoricorum ad Herennium liber primus : finis desideratur. — Hujusce codicis pars undecimo, pars decimo tertio, nonnulla decimo quarto saeculo videntur exarata.

Puteanus

Silii Italici de bello Punico libri septemdecim.

Puteanus

1.° Aurelii Clementis Prudentii carmina : passim inter lineas glossae et ad marginem scholia. — 2.° Servii, Grammatici, centimetrum. — 3.° Versiculi de decem plagis Aegypti et de septem diebus primordii mundi. — 4.° Aenigmata nonnulla. — 5.° Epitaphium Adalberonis, Metensis Episcopi. — 6.° Anonymi versus ad Ratramnum, Magistrum.

Colbertinus

Aratoris, sanctae Romanae Ecclesiae Subdiaconi, historia apostolica libris duobus et versibus heroïcis ; passim inter lineas glossae et ad marginem scholia : sub finem nonnulla desiderantur.

Colbertinus

anonymi comoedia cujus titulus est : comoedia sine nomine ; rectiùs autem appellaveris tragoediam, prosa oratione conscriptam, cujus argumentum intricatissimum è fabulis Romanensibus desumptum est.

Colbertinus

Conradi à Mure, Tigurinae ecclesiae Canonici et Praecentoris, dictionarium poëticum, in quo quidquid Poëtae de diis et heroïbus commenti sunt, explicatur : insertus est ejusdem fabularius, sive carmen de deorum genealogia.

Colbertinus

1.° Venerabilis Bedae, Presbyteri, tractatus de arte metrica : sub finem non pauca desiderantur. — 2.° Servii Honorati ars de ultimis syllabis ; sive, libellus de ratione ultimarum syllabarum, et de arte metrica : finis desideratur.

Puteanus