acta authentica legationis Hugolini, Episcopi Ostiensis et apostolicae sedis Legati in Lombardia et Tuscia, anno 1221. accesserunt 1.° litterae anonymi de victoriis Regis Davidis in Georgia, Armenia et Perside ; datae anno 1221. 2.° litterae Frederici II. Imperatoris et Regis Siciliae, adversùs filios Comitum Alberti de Casalodio et Nerisii, qui castrum Gonzagae occupaverant, quos ponit sub banno Imperii ; datae anno 1220. 3.° Jacobi de Vitriaco, Episcopi Acconensis, epistola de rebus gestis in Oriente : 4.° variae Honorii III. epistolae pertinentes ad Hugolini legationem ; 5.° denique epistola Frederici II. ad Hugolinum gratulatoria.

Colbertinus

historia Caroli Magni : authore Turpino, Remensi Archiepiscopo ; ad calcem nonnulla subjiciuntur, quae in impressis codicibus desiderantur, scilicet : 1.° narratio de Gratianopoli, à Rotolando Comite divinitùs expugnata : 2.° capitulum de morte et sepultura Turpini, qui Viennae Allobrogum diem suum obiisse dicitur : 3.° commentariolus de his quae post Caroli Magni mortem Galaeciae acciderunt. — 2.° Epistola Calixti, Papae, qua libello quem ediderat de sancto Jacobo Apostolo, authenticitatem tribuit, et ejusdem lecturam in refectorio Monachorum commendat. — 3.° Vita sanctorum Amici et Amelii. — 4.° Narratio de quodam Indorum Patriarcha, qui cùm Romam venisset tempore Calixti, Papae II. mira de urbe Ulna, quae totius regni Indici caput esse dicitur, et miracula varia beati Thomae, Indorum Apostoli, commemoravit. — 5.° Brevis descriptio locorum sanctorum in Oriente.

Colbertinus