1.° Pauli Orosii, Presbyteri, historiarum libri septem. — 2.° C.J. Caesaris cosmographia : haec cum Aethici cosmographia in multis convenit. — 3.° Brevis chronologia Geneseos, Judicum, Regum et Paralipomenon. — 4.° Liber Aethici, Philosophi, natione Scythae, philosophico editus oraculo et ab Hieronymo, Presbytero, Latinè versus : est verò ille liber Aethici cosmographia, cum longa praefatione, in qua variae quaestiones ad physicam pertinentes, agitantur. — 5.° Fragmentum ex libro Bedae de ratione temporum. — 6.° Methodii, Patarensis Episcopi, prophetia de regnis gentium et de novissimis temporibus. — 7.° Isidori chronicorum fragmentum. — 8.° Fragmentum vetustissimum ad cosmographiam pertinens, et Longobardico charactere exaratum.

Colbertinus

1.° Chronica Veneta per annos Domini divisa, sub brevi titulo compilata, à primo urbis exordio ad annum 1358. — 2.° Privilegia à Romanis Imperatoribus concessa Ducibus Venetiarum : inserta sunt alia privilegia à Ducibus Venetiarum concessa certis quibusdam privatis. — 3.° Proles Nobilium Venetorum, de qua parte venerunt, et unde originem habuerunt. — 4.° Nobiles Tribuni qui primitùs post aedificationem civitatis Rivoalti in ipsam habitare venerunt. — 5.° Catalogus eorum omnium qui varia munera in dominio Venetorum obiere.

DD. Dufresne

historia Caroli Magni : authore Turpino, Remensi Archiepiscopo ; ad calcem nonnulla subjiciuntur, quae in impressis codicibus desiderantur, scilicet : 1.° narratio de Gratianopoli, à Rotolando Comite divinitùs expugnata : 2.° capitulum de morte et sepultura Turpini, qui Viennae Allobrogum diem suum obiisse dicitur : 3.° commentariolus de his quae post Caroli Magni mortem Galaeciae acciderunt. — 2.° Epistola Calixti, Papae, qua libello quem ediderat de sancto Jacobo Apostolo, authenticitatem tribuit, et ejusdem lecturam in refectorio Monachorum commendat. — 3.° Vita sanctorum Amici et Amelii. — 4.° Narratio de quodam Indorum Patriarcha, qui cùm Romam venisset tempore Calixti, Papae II. mira de urbe Ulna, quae totius regni Indici caput esse dicitur, et miracula varia beati Thomae, Indorum Apostoli, commemoravit. — 5.° Brevis descriptio locorum sanctorum in Oriente.

Colbertinus

anonymi epistola ad Michaëlem Hospitalium, Franciae Cancellarium, Romae scripta, in qua ei studiorum suorum rationem reddit : accedit ejusdem carmen de eodem argumento.

Baluzianus