О локальной магнитной аномалии В.С. Ацана

რადიოელექტრონული მოწყობილობების ინტენსიურმა დანერგვამ ადამიანის ყოველდღიურ ცხოვრებაში გამოიწვია ელექტრომაგნიტური ფონის მნიშვნელოვანი ზრდა, რამაც აუცილებელი გახადა მისი ბიოლოგიური ეფექტების კვლევა. დაბალმთიანი გურიის მაგნიტური ანომალიების კვლევების შედეგად გეოფიზიკის ინსტიტუტის თანამშრომლების მიერ სოფელ აცანის ტერიტორიაზე დაფიქსირებულ იქნა სამი მეტად ინტენსიური ლოკალური მაგნიტური ანომალია. ამასთან დაკავშირებით, აუცილებლად მიგვაჩნია ამ ანომალიების დეტალური კომპლექსური შესწავლა დაბალმთიანი გურიის ტერიტორიაზე მაგნიტოთერაპიული კურორტის ბაზისური მოდელის შექმნის პერსპექტივით.

ბიზნესი და პოლიტიკა საქართველოში (2003-06 წწ.)

წიგნში განხილულია ბიზნესისა და პოლიტიკის ურთიერთობა საქართველოში ვარდების რევოლუციის შემდგომ პერიოდში. ავტორი უხვად იყენებს ქართული მედიის პობლიკაციებს, რომელიც დიდ ყურადღებას უთმობს ამ თემას. წიგნი მოიცავს რამდენიმე მსხვილ თემას,მათ შორისაა ბიზნესი და პოლიტიკა პოსტკომუნისტური ტრანსფორმაციის პერიოდში, საქართველო ვარდების რევოლუციის წინა პერიოდში, არჩევნები და რევოლუცია, საქართველოს ეკონომიკის ადგილი მსოფლიოში, არადეკლარირებული შემოსავლების ლეგალიზების შედეგები, კორუფციის საკითხი, ხელისუფლებისა და ბიზნების ურთიერთობა, ბიზნესი და პოლიტიკა და სახელმწიფოს მიერ პოლიტიკაში ფულის მოძრაობის დარეგულირების მცდელობა.