Biomasaren pirolisi oxidatiboaren modelakuntza zinetikoa

[eus] Gaur egungo erregai fosilen eskasiak eta hauek sortzen dituzten berotegi efektuko gasen emisio altuek bultzatu egin behar gaituzte energia iturri berriztagarriak erabiltzera. Biomasa, potentzial handiko energia iturria da eta ezinbestekoa izan da gizakiaren bizitzaren garapenerako. Energia berriztagarrien artean biomasa potentzial handiko lehengaia izanda bere erabilerak duen berebiziko garrantzia azpimarratu da lan honetan. Lehengai honetatik energia lortzeko tratamendu termokimiko ezberdinetatik pirolisi oxidatiboan lan egitea erabaki da. Sarrerako gas emariaren oxigenoak pirolisiaren ondoren partikularen gainazalean geratu den ikatzaren errekuntza ematerakoan, biomasaren konbertsioa bere osotasunean ematea lortuko duelako. Baita instalazioak behar duen bezain beste beroa hornitu ahal izango duelako ere. Modu honetan, pirolisi oxidatiboa inertea baino interesgarriagoa bihurtu delarik industria mailan garrantzi handia lortu du.