Gailuen elektronika: azterketen bilduma (1999-2009)

Helburuak: Liburu honek Gailuen Elektronika irakasgaian azken urteotan egin diren azterketak jasotzen ditu. Hortaz, ikasleek azterketak prestatzeko eta, oro har, elektronika ikasteko oso baliagarritzat jotzen dugu. Irakasgaiaren helburu nagusia diren oinarrizko osagaien ezaugarriak eta funtzionamenduaren printzipioak lantzen dira. Norentzat izan daiteke baliagarria: Testua Ingeniaritza Eskolako Lehenengo Ikasturteko ikasleentzat bereziki prestatu da, baina gailuen funtzionamendua eta anplikazio-sistema sinpleak aztertzen dituzten ariketak jasotzen dituenez, oso baliagarria gerta daiteke, orobat, edozein maila eta titulazioko Elektronika-ikasleentzat -edota ikasle horiei irakatsi behar dietenentzat.

Liburuak azken hamar urteotako azterketak (126 ariketa) jasotzen ditu, kronologikoki ordenatuta (gertukoenetatik zaharrenetara) eta aurkibide adierazgarri baten bidez, ariketaren izenburua, gaia eta kokapena azaltzen ditu. Gainera, bigarren aurkibide batean, gaiaren araberako ordena ematen da, ariketak zazpi ataletan multzokatuz: erdieroalea, diodoa, zirkuitu diododunak, transistore bipolarra, eremu efektuko transistoreak, orokorrak eta galdera teorikoak. Gure ustez, oso material interesgarria gertatuko da gailuen elektronikari buruzko azterketak prestatzeko.